នៅព្រឹកថ្ងៃទី៤ ខែធ្នូ ឆ្នាំ២០២៥ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា អញ្ជើញជាអធិបតីក្នុងពិធីបើកសិក្ខាសាលា ស្តីពីកិច្ចសន្ទនាអន្តរជំនឿសាសនា ដើម្បីសុខដុមនីយកម្មសាសនានៅកម្ពុជា ឆ្នាំ២០២៥ ក្រោមប្រធានបទ «សាសនិករួមគ្នារក្សានិងពង្រឹងសាមគ្គីភាពជាតិ» ពិធីនេះបានប្រព្រឹត្តទៅនៅសាលផ្ការំដួល នៃទីស្តីការក្រសួង។

សិក្ខាសាលានេះ មានការយាង និមន្ត និងអញ្ជើញចូលរួមពី សម្តេចព្រះសង្ឃ ព្រះមន្រ្តីសង្ឃទាំងពីរគណៈ សមាជិកព្រឹទ្ធសភា រដ្ឋសភា តំណាងរាជរដ្ឋាភិបាល ឯកឧត្តម លោកជំទាវ ថ្នាក់ដឹកនាំក្រសួងធម្មការ និងសាសនា ថ្នាក់ដឹកនាំតំណាងក្រសួង-ស្ថាប័នអន្តរក្រសួង អភិបាលរងរាជធានី-ខេត្ត ប្រធានមន្ទីរធម្មការ និងសាសនាទាំង២៥ រាជធានី-ខេត្ត ថ្នាក់ដឹកនាំអ៉ិស្លាមសាសនា ថ្នាក់ដឹកនាំគ្រិស្តសាសនា និងតំណាងអង្គការពាក់ព័ន្ធ សរុបប្រមាណ៣២៤អង្គ/នាក់៕