រដ្ឋមន្ត្រីថាមពលទីរគី លោក Alparslan Bayraktar បាននិយាយនៅក្នុងកិច្ចប្រជុំជាមួយអ្នកយកព័ត៌មាន នៅទីក្រុងអ៊ីស្តង់ប៊ុលថា ប្រទេសនេះចាត់ទុកថា វាពិតជាចាំបាច់ក្នុងការធានាការផ្គត់ផ្គង់ថាមពល ដែលមិនមានការរំខាន នៅក្នុងអាងសមុទ្រខ្មៅ ដោយអំពាវនាវដល់ភាគីនៃជម្លោះនៅអ៊ុយក្រែនកុំបណ្តោយឲ្យហេដ្ឋារចនាសម្ព័ន្ធថាមពលពាក់ព័ន្ធក្នុងសង្គ្រាមនេះ។  

លោកបាននិយាយដោយធ្វើអត្ថាធិប្បាយអំពីការវាយប្រហារលើនាវាដឹកប្រេងនៅឯឆ្នេរសមុទ្រទួរគី ក្នុង   រយៈពេលប៉ុន្មានថ្ងៃថ្មីៗនេះ៖«យើងសង្ឃឹមថា សង្គ្រាម [នៅអ៊ុយក្រែន] នឹងត្រូវបញ្ចប់។ ថ្ងៃនេះ យើងអំពាវនាវដល់គ្រប់ភាគីទាំងអស់    រុស្ស៊ី និងអ៊ុយក្រែន ឲ្យទប់ស្កាត់ហេដ្ឋារចនាសម្ព័ន្ធថាមពលពីការចូលរួមក្នុងសង្គ្រាមនេះ ព្រោះវាមានទំនាក់ទំនងទាំងស្រុងទៅនឹងជីវិតប្រចាំថ្ងៃរបស់ប្រជាជន។ យើងត្រូវធានាលំហូរថាមពលដែលមិនមានការរំខាននៅក្នុងសមុទ្រខ្មៅ នៅក្នុងច្រកសមុទ្ររបស់យើង និងតាមរយៈបំពង់បង្ហូរប្រេងដូចជាសម្ព័ន្ធបំពង់បង្ហូរប្រេងកាព្យែន(CPC)ជាដើម»។

លោករដ្ឋមន្ត្រីបានបន្ថែមថា៖«ខ្ញុំសង្ឃឹមថាយើងអាចការពារហេដ្ឋារចនាសម្ព័ន្ធថាមពលពីជម្លោះនេះ។ ខ្ញុំក៏សង្ឃឹមថា ដំណើរការសន្តិភាព និងការចរចាសន្តិភាពនឹងទទួលបានជោគជ័យ»។  

លោកបានកត់សម្គាល់ថា៖«ខ្ញុំដឹងថា រដ្ឋបាលសហរដ្ឋអាមេរិកកំពុងខិតខំប្រឹងប្រែងគ្រប់បែបយ៉ាង ដើម្បីបញ្ឈប់សង្គ្រាមនៅអ៊ុយក្រែន។ លោក វ្ល៉ឌីមី ហ្សេឡិនស្គី បាននៅទីនេះ [នៅប្រទេសទួរគី] ប្រហែល ១០ថ្ងៃមុន។ ប្រធានាធិបតីទួរគី លោក រ៉េសិប តៃយីប អឺដូហ្កាន់ តែងតែទាក់ទងជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន។ យើងគាំទ្រដំណោះស្រាយដោយសន្តិវិធីចំពោះជម្លោះនេះ និងតស៊ូមតិដើម្បីបញ្ចប់ជម្លោះនេះឲ្យបានឆាប់រហ័ស»៕