មេដឹកនាំប៉ាឡេស្ទីន លោកម៉ាមូដអាបាស់ (Mahmoud Abbas )កាលពីថ្ងៃព្រហស្បតិ៍ ទី៤ធ្នូសប្ដាហ៍នេះ បានសម្តែងការដឹងគុណ និងការកោតសរសើរយ៉ាងស្មោះស្ម័គ្រចំពោះការប្រកាសរបស់ប្រធានាធិបតីចិនលោក Xi Jinping ថាប្រទេសចិននឹងផ្តល់ជំនួយចំនួន១០០ លានដុល្លារអាមេរិកដល់ប៉ាឡេស្ទីនដោយមានគោលបំណងកាត់បន្ថយវិបត្តិមនុស្សធម៌ និងគាំទ្រផែនការស្តារឡើងវិញ និងកសាងឡើងវិញសម្រាប់តំបន់ហ្កាហ្សា។  

លោក Abbas បានសង្កត់ធ្ងន់ថា អំណោយដ៏សប្បុរសនេះឆ្លុះបញ្ចាំងពីមិត្តភាពដ៏រឹងមាំរវាងប្រទេសចិន-ប៉ាឡេស្ទីន ប្រជាជន និងប្រជាជន ក៏ដូចជាការប្តេជ្ញាចិត្តរបស់ប្រទេសចិន ចំពោះយុត្តិធម៌ និងការស្មើភាព។   

នេះក៏បង្ហាញផងដែរពីការយកចិត្តទុកដាក់ និងការគាំទ្ររបស់ថ្នាក់ដឹកនាំចិនចំពោះប្រជាជនប៉ាឡេស្ទីន និងការប្តេជ្ញាចិត្តរបស់ប្រទេសចិនក្នុងការពង្រឹងភាពជាដៃគូយុទ្ធសាស្ត្រ និងកិច្ចសហប្រតិបត្តិការរវាងគ្នានិងគ្នាដើម្បីផ្តល់ផលប្រយោជន៍ដល់ប្រជាជនទៅវិញទៅមក និងលើកកម្ពស់សន្តិភាព និងស្ថិរភាពក្នុងតំបន់។

មេដឹកនាំប៉ាឡេស្ទីរូបនេះក៏បានថ្លែងអំណរគុណដល់ប្រទេសចិនផងដែរ ចំពោះការគាំទ្ររបស់ខ្លួនលើប៉ាឡេស្ទីនក្នុងឱកាសអន្តរជាតិ និងបានសង្កត់ធ្ងន់ថាប៉ាឡេស្ទីនមានឆន្ទៈបន្តធ្វើការរួមគ្នាជាមួយប្រទេសចិនដើម្បីសម្រេចបាននូវសន្តិភាពដ៏យុត្តិធម៌ និងទូលំទូលាយដោយផ្អែកលើច្បាប់អន្តរជាតិ៕