អ្នកគាំទ្ររាប់សិបនាក់របស់លោក Salvador Nasralla ជាបេក្ខជនប្រធានាធិបតីរបស់ប្រទេសហុងឌុយរ៉ាស បានមកប្រមូលផ្តុំគ្នាកាលពីថ្ងៃព្រហស្បតិ៍ ទី៤ ខែធ្នូ នៅខាងក្រៅក្រុមប្រឹក្សាបោះឆ្នោតជាតិ ដើម្បីការពារបេក្ខជនរបស់ខ្លួន ខណៈការរាប់សន្លឹកឆ្នោតនៅតែបន្ត។

អ្នកគាំទ្របានគ្រវីទង់ជាតិរបស់គណបក្សសេរីនិយមរបស់បេក្ខជនប្រធានាធិបតីបីលើករូបនេះ និងបានបង្ហាញការគាំទ្ររបស់ពួកគេសម្រាប់ជ័យជម្នះរបស់លោក Nasralla ក្នុងការបោះឆ្នោតកាលពីថ្ងៃទី៣០ ខែវិច្ឆិកា។

នៅក្នុងបទសម្ភាសន៍ជាមួយសារព័ត៌មាន Reuters កាលពីថ្ងៃព្រហស្បតិ៍ លោក Nasralla បាននិយាយថា ការជ្រៀតជ្រែកនៅនាទីចុងក្រោយពីប្រធានាធិបតីសហរដ្ឋអាមេរិក លោក Donald Trump ក្នុងការបោះឆ្នោតដ៏តានតឹងរបស់ប្រទេស បានធ្វើឱ្យខូចឱកាសទទួលជ័យជម្នះរបស់លោក។

លទ្ធផលចុងក្រោយដែលបានចេញផ្សាយនៅថ្ងៃព្រហស្បតិ៍ដោយអាជ្ញាធរបោះឆ្នោតបានបង្ហាញថា លោក Nasralla ស្ថិតនៅពីក្រោយយ៉ាងប្រកៀកក្នុងការបោះឆ្នោតដោយទទួលបានសំឡេងឆ្នោត៣៩,៣៨% ទល់នឹងលោក Nasry Asfura ដែលជាបេក្ខជនអភិរក្សនិយម ៤០,២៧% ខណៈសន្លឹកឆ្នោតប្រហែល៨៧% ត្រូវបានរាប់។