ជនប៉ាឡេស្ទីនជម្លៀសខ្លួន បានជួបជុំគ្នានៅតៀមកាហ្វេ ស្ថិតក្នុងទីក្រុង Khan Younis ដើម្បីមើលការប្រកួតបាល់ទាត់ Arab Cup រវាងក្រុមប៉ាឡេស្ទីន និងក្រុមជម្រើសជាតិទុយនីស៊ី ។

ក្មេងៗ និងមនុស្សប្រុសនាំគ្នាអង្គុយនៅមុខទូរទស្សន៍ ស្រែកអបអរសាទរខ្លាំងៗ ពេលកំពុងប្រកួត បើទោះបីជាពួកគេជួបទុក្ខលំបាកយ៉ាងណាក៏ដោយ ។

លោក Wael Moussa គឺជាជនប៉ាឡេស្ទីនមួយរូប និងជាអតីតគ្រូបង្វឹក និងជាកីឡាករនៅក្លិប បាល់ទាត់ Khadamat Rafah និយាយថា បាល់ទាត់គឺជាមធ្យោបាយតែមួយគត់សម្រាប់ពលរដ្ឋហ្កាហ្សា ជាពិសេស នៅពេលដែលពួកគេជួបស្ថានភាពទុក្ខលំបាកដោយសារសង្រ្គាមរយៈពេល ២ឆ្នាំ ។ វាគឺជាការរត់គេចចេញពីទុក្ខព្រួយតែមួយគត់របស់ពួកយើង ។

អាជ្ញាធរសុខភាពហ្កាហ្សានិយាយថា ជនប៉ាឡេស្ទីនជាង ៣៥០នាក់ ត្រូវបានសម្លាប់ ចាប់តំាងពីបទឈប់បាញ់រវាងអ៊ីស្រាអែល និងក្រុមហាម៉ាសបានចូលជាធរមាន ។

អាជ្ញាធរអ៊ីស្រាអែលនិយាយថា ជីវពលប៉ាឡេស្ទីន បានសម្លាប់ទាហានអ៊ីស្រាអែល ៣នាក់ អំឡុងពេលបទឈប់បាញ់នេះ ។

បើទោះបីជាមានការខ្ទេចខ្ទាំនៅតំបន់ហ្កាហ្សាយ៉ាងណាក្តី ក្រុមបាល់ទាត់ប៉ាឡេស្ទីន បន្តវឌ្ឍភាពរបស់ពួកគេនៅលើទីលានប្រកួត ។ ពួកគេឈានដល់វគ្គកាត់សេចក្តី Playoff នៃការប្រកួតបាល់ទាត់ Asia's World Cup ហើយនិងរកបានកៅអីលេងរួចទៅហើយនៅព្រឹត្តការណ៍បាល់ទាត់ Asian Cup 2027 ។

សូមបញ្ជាក់ថា ការប្រកួតបាល់ទាត់ Arab Cup ចាប់ផ្តើមប្រកួតកាលពីថ្ងៃទី ១ ខែធ្នូ និងរហូតដល់ថ្ងៃទី ១៨ ខែធ្នូ ៕