សមាជិកសភារបស់ប្រទេសអាល្លឺម៉ង់កាលពីថ្ងៃសុក្រ ទី៥ ខែធ្នូ បានអនុម័តផែនការរបស់រដ្ឋាភិបាល ក្នុងការជ្រើសរើសយោធាបន្ថែមទៀត ខណៈប្រទេសនេះព្យាយាមបង្កើនចំនួនកងកម្លាំងប្រដាប់អាវុធរបស់ខ្លួន ក្នុងការប្រឈមទៅនឹងការព្រួយបារម្ភកាន់តែខ្លាំងឡើងអំពីការគំរាមកំហែងបង្កឡើងដោយរុស្ស៊ី។ ផែនការនេះ ក៏មើលឃើញពីការពិនិត្យសុខភាពជាកាតព្វកិច្ចសម្រាប់ប្រជាជនវ័យក្មេងផងដែរ។

វាពុំបាននិយាយពីការណែនាំឡើងវិញនៃការកែណ្ឌទ័ពនោះទេ ទោះបីជាបានរក្សាទុកការបើកចំហលទ្ធភាពនៃការចូលបម្រើយោធាជាកាតព្វកិច្ចដែលយ៉ាងហោចណាស់សម្រាប់ចំនួនកំណត់ប្រសិនបើមានតម្រូវការកើតឡើង។ សភាជាន់ទាបរបស់សភា Bundestag បានអនុម័តផែនការនេះដោយសំឡេងគាំទ្រ៣២៣ទល់នឹង២៧២សំឡេង និងអនុប្បវាទ១។ វាជាកំណែប្រែនៃផែនការដែលគណៈរដ្ឋមន្ត្រីរបស់អធិការបតី លោក Friedrich Merz បានអនុម័ត កាលពីខែសីហា។

ប្រទេសអាល្លឺម៉ង់ បានប្តេជ្ញាចំណាយប្រាក់រាប់ពាន់លានដើម្បីធ្វើឲ្យប្រសើរយុទ្ធោបករណ៍របស់ខ្លួន បន្ទាប់ពីការមិនយកលចិត្តទុកដាក់ជាច្រើនឆ្នាំ។

វាពុំមែនជាប្រទេសតែមួយនោះទេ ក្នុងការព្យាយាមពង្រឹងកងកម្លាំងប្រដាប់អាវុធរបស់ខ្លួន។ កាលពីសប្តាហ៍មុន ប្រទេសបារាំង បានបង្ហាញកម្មវិធីមួយដើម្បីបណ្តុះបណ្តាលអ្នកស្ម័គ្រចិត្តរាប់ពាន់នាក់ដែលមានអាយុ ១៨ និង១៩ឆ្នាំ ដោយចាប់ផ្តើមនៅឆ្នាំក្រោយ។ ប្រទេសបែលហ្ស៊ិក និងប៉ូឡូញ ក៏មានផែនការទាក់ទាញមនុស្សបន្ថែមទៀតឱ្យមកហ្វឹកហាត់ ឬចូលបម្រើការងារ។