ក្មេងជំទង់ នៅទីក្រុងស៊ីដនី ឈ្មោះ Ayris Tolson ជឿថា ការចាប់ផ្តើមនៃវិស្សមកាលរដូវក្តៅដំបូងរបស់នាង ក្រោមច្បាប់ហាមឃាត់មិនឲ្យប្រើប្រាស់បណ្ដាញសង្គម ចំពោះយុវវ័យ នៅប្រទេសអូស្ត្រាលី នឹងមានភាពងាយស្រួលយ៉ាងខ្លាំង នៅពេលដែលនាងចំណាយពេលជាមួយក្រុមគ្រួសារ ប៉ុន្តែប៉ុន្មានសប្តាហ៍កន្លងផុតទៅ នាងខ្លាចការនៅម្នាក់ឯង និងភាពឯកោ។

ចាប់ពីថ្ងៃទី១០ ខែធ្នូតទៅ អូស្ត្រាលីនឹងដាក់បម្រាមមិនឲ្យប្រើប្រាស់បណ្ដាញសង្គម ដែលជាលើកដំបូងគេរបស់ពិភពលោក ចំពោះក្មេងអាយុក្រោម ១៦ឆ្នាំ ដោយធ្វើឲ្យពួកគេលេងមានគណនីនៅលើបណ្ដាញ TikTok, YouTube របស់ក្រុម Alphabet និង Instagram របស់ក្រុមហ៊ុន Meta។

ក្មេងអាយុក្រោម ១៦ឆ្នាំច្រើន ជាងមួយលាននាក់ នឹងបាត់គណនីរបស់ពួកគេ ហើយ ៩ថ្ងៃក្រោយមកថ្ងៃឈប់សម្រាកដ៏វែង ពីខែធ្នូ ដល់ខែមករា បានចាប់ផ្ដើមឡើង ជាពេលដែលការិយាល័យ នៅក្នុងប្រទេសអូស្ត្រាលីភាគច្រើន បិទរហូតដល់ខែកុម្ភៈ។

អ្នកជំនាញសុខភាពផ្លូវចិត្ត លើកឡើងថា ការដាក់បម្រាម នៅមុនថ្ងៃវិស្សមកាលសិក្សាដ៏វែងបំផុតនៃឆ្នាំនេះ អាចធ្វើឲ្យប៉ះពាល់យ៉ាងធ្ងន់ធ្ងរដល់ក្មេងជំទង់ដែលពឹងផ្អែកលើបច្ចេកវិទ្យា សម្រាប់ការប្រើប្រាស់បណ្ដាញសង្គមទំនាក់ទំនងគ្នា ហើយនឹងមិនមានទម្លាប់ជាមូលដ្ឋាន ឬការគាំទ្រពីស្ថាប័ននៃសាលារៀន៕