ក្រចេះ៖ លោក ឈ្នាង សុវុត្ថា ប្រធានមន្ទីរសុខាភិបាលខេត្តក្រចេះ បានអោយដឹងនៅថ្ងៃទី១៥ ខែមីនា ឆ្នាំ២០២១ថា ចាក់វ៉ាក់សាំងការពារប្រឆាំងជំងឺវិរុសកូវីដ-១៩ លើកទី១ ជូនដល់មន្ត្រីនៃមន្ទីរសុខាភិបាល កងកម្លាំងនគរបាលនៃស្នងការរដ្ឋានខេត្តក្រចេះ និងមន្ត្រីរាជការក្នុងខេត្តក្រចេះ។
ត្រូវបានបញ្ចប់ត្រឹមថ្ងៃទី១៤ មីនា ២០២១ ដោយអស់វ៉ាក់សាំងការពារជំងឺកូវីដ-១៩ ឈ្មោះ Sinopham មុនផែនការកំណត់ ។ ជាលទ្ធផល មន្ទីរពេទ្យបង្អែកខេត្តក្រចេះ ចាក់វ៉ាក់សាំងការពារ បានសរុបចំនួនដូស៍ទី១ ចំនួន ៣,៥៩១ដូស៍ ស្រី ១៣០៦ និងដូស៍ទី២ បានចំនួន ០៦ដូស៍ ស្រី ០១ ដែលចាប់ផ្តើមពីថ្ងៃទី០១ មីនា ដល់ថ្ងៃទី១៤ មីនា ដែលផែនការគ្រោង ដល់ថ្ងៃទី១៨ មីនា។ ចំណែកកម្មវិធី ចាក់លើកទី២ ឬចាក់ដូសទី២ និងចាប់ផ្តើមនៅថ្ងៃទី១៨ មីនា ២០២១។
លោកបានបញ្ជាក់ថា ខេត្តបានរៀបចំមណ្ឌលចក្ត័តាឡីស័ក្ត ៥កន្លែងរួមមាន មន្ទីរពេទ្យបង្អែកខេត្ត មន្ទីរពេទ្យបង្អែកស្រុកឆ្លូងមន្ទីរពេទ្យបង្អែកស្រុកស្នួល សណ្ឋាគារ ហេង ហេងត្រពាំងស្រែ និងមណ្ឌលចក្ត័តាឡីស័ក្តបឹងហ្គាឡូក្រុងក្រចេះ។ ហើយក្នុងនោះ មានពលករមកពីប្រទេសថៃ ចំនួន ៥៥នាក់ និងអ្នកពាក់ព័ន្ធក្នុងព្រឹត្តការណ៍ ២០កុម្ភៈ ចំនួន ៧២នាក់ ស្រី ១៧នាក់ និងអ្នកជំនាញវៀតណាម ៤៥៣នាក់។
ជាមួយគ្នានោះដែរ អាជ្ញាធរខេត្តក្រចេះ ក៏ដូចជានៅតាមបណ្តាឃុំ/សង្កាត់នានា ក្នុងខេត្ត បានចេញសេចក្តីប្រកាសជូនដំណឹង ស្ដីពីការផ្អាកកម្មវិធីរៀបអាពាហ៍ពិពាហ៍ និងកម្មវិធីជួបជុំផ្សេងៗ ជាបន្តបន្ទាប់ផងដែរ ។ សូមបញ្ជាក់ថា ខេត្តក្រចេះ សម្រាប់អ្នកធ្វើតេសរកជំងឺកូវីត១៩ នៅមិនទាន់មាន អ្នកវិជ្ជមានកូវិត១៩ នៅឡើយទេ ៕ ដោយ៖ សេង ម័រ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
