លោក Jasem Al-Budaiwi អគ្គលេខាធិការនៃក្រុមប្រឹក្សាសហប្រតិបត្តិការឈូងសមុទ្រ (GCC) បានថ្កោលទោសសេចក្តីថ្លែងការណ៍របស់ប្រព័ន្ធផ្សព្វផ្សាយដែលធ្វើឡើងដោយមន្ត្រីអ៊ីរ៉ង់ទាក់ទងនឹងរដ្ឋជាសមាជិករបស់អង្គការនេះ។

សេចក្តីថ្លែងការណ៍ទាំងនេះ រំលោភលើអធិបតេយ្យភាពនៃវាលប្រេង Durra ដែលជាកម្មសិទ្ធិរបស់អារ៉ាប៊ីសាអ៊ូឌីត និងគុយវ៉ែត អធិបតេយ្យភាពរបស់ប្រទេសបារ៉ែន និងសិទ្ធិរបស់របស់ប្រទេសអារ៉ាប់រួម (UAE) ទាក់ទងនឹងកោះចំនួនបី គឺ Greater Tunb, Lesser Tunb និង Abu Musa ដែលអ៊ីរ៉ង់កាន់កាប់។

លោក Al-Budaiwi បាននិយាយថា៖«សេចក្តីថ្លែងការណ៍ទាំងនេះ មានការធ្វើឲ្យភាន់ច្រឡំ ការអះអាងមិនពិត និងបានបដិសេធការចោទប្រកាន់ដែលផ្ទុយនឹងគោលការណ៍នៃការមិនជ្រៀតជ្រែកក្នុងកិច្ចការផ្ទៃក្នុង និងភាពជាអ្នកជិតខាងល្អ ជាគោលការណ៍ដែលអ៊ីរ៉ង់បានរំលោភតាមរយៈការឈ្លានពានរបស់ខ្លួនប្រឆាំងនឹងអធិបតេយ្យភាព និងឯករាជ្យភាពរបស់ប្រទេសកាតា»។

មន្ត្រីរូបនេះ បានបញ្ជាក់ថា សេចក្តីថ្លែងការណ៍ទាំងនេះ គឺផ្ទុយនឹងកិច្ចខិតខំប្រឹងប្រែងជាបន្តបន្ទាប់របស់   រដ្ឋ GCC ក្នុងការបង្កើនទំនាក់ទំនងជាមួយអ៊ីរ៉ង់នៅគ្រប់កម្រិត។

លោកបានបន្ថែមថា៖«រដ្ឋ GCC បានបញ្ជាក់ជាថ្មីជាប់លាប់អំពីសារៈសំខាន់នៃការប្រកាន់ខ្ជាប់នូវមូលដ្ឋានគ្រឹះ និងគោលការណ៍ដែលមានចែងក្នុងធម្មនុញ្ញអង្គការសហប្រជាជាតិ និងច្បាប់អន្តរជាតិ រួមទាំងគោលការណ៍នៃភាពជាអ្នកជិតខាងល្អ ការគោរពអធិបតេយ្យភាពរដ្ឋ ការមិនជ្រៀតជ្រែកក្នុងកិច្ចការផ្ទៃក្នុង ការដោះស្រាយជម្លោះដោយសន្តិវិធី និងការជៀសវាងការប្រើប្រាស់ ឬការគំរាមកំហែងដោយកម្លាំង»៕