ការិយាល័យនាយករដ្ឋមន្ត្រីអង់គ្លេស បាននិយាយ បន្ទាប់ពីកិច្ចប្រជុំរបស់ពួកគេជាមួយ លោក វ្ល៉ូឌីមី ហ្សេឡិនស្គី នៅទីក្រុងឡុងដ៍ថា ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron)និងលោកអធិការបតីអាល្លឺម៉ង់ Friedrich Merz បានណែនាំទីប្រឹក្សាសន្តិសុខជាតិរបស់ពួកគេឲ្យបន្តពិភាក្សាអំពីវិធីដោះស្រាយជម្លោះអ៊ុយក្រែន។

ការិយាល័យនេះ បានឲ្យដឹងទៀតថា៖«ក្រុមមេដឹកនាំបានពិភាក្សាអំពីសារៈសំខាន់នៃការចរចាសន្តិភាពដឹកនាំដោយសហរដ្ឋអាមេរិកសម្រាប់សន្តិសុខអឺរ៉ុប និងគាំទ្រវឌ្ឍនភាពដែលបានធ្វើឡើង។ ពួកគេបានណែនាំទីប្រឹក្សាសន្តិសុខជាតិរបស់ពួកគេឲ្យបន្តការពិភាក្សាក្នុងរយៈពេលប៉ុន្មានថ្ងៃខាងមុខ។

មេដឹកនាំទាំងអស់បានគូសបញ្ជាក់ពីតម្រូវការសម្រាប់សន្តិភាពដ៏យុត្តិធម៌ និងយូរអង្វែង នៅក្នុងប្រទេសអ៊ុយក្រែន ដែលរួមមានការធានាសន្តិសុខដ៏រឹងមាំ»។ «ពួកគេក៏បានពិភាក្សាអំពីវឌ្ឍនភាពវិជ្ជមានដែលបានធ្វើឡើងដើម្បីប្រើប្រាស់ទ្រព្យសម្បត្តិអធិបតេយ្យភាពរបស់រុស្ស៊ី ដែលត្រូវបានរារាំងដើម្បីគាំទ្រដល់ការកសាងឡើងវិញរបស់អ៊ុយក្រែន»។

បន្ទាប់ពីកិច្ចប្រជុំនោះ លោក Starmer និងលោក ហ្សេឡិនស្គី បានធ្វើការសន្ទនាតាមវីដេអូខលជាមួយសមាជិកផ្សេងទៀតរបស់សម្ព័ន្ធភាពនៃឆន្ទៈ៕