សប្បុរសជននានា ដែលដឹកនាំដោយលោកឧកញ៉ា ទៀង ថៃ និងលោកស្រី វ៉ាន់ លុយ អគ្គនាយកក្រុមហ៊ុនអេរ៉ូទិច បាននាំយកទឹកពិសារអេរ៉ូទិចចំនួន១៥០កេស ត្រីខចំនួន០៤កេសធំ នំបន្លែចំនួន០៥កេសធំ និងត្រីខចំនួន០៥កេស នំរស់ជាតិបន្លែ០៥កេស និងកាហ្វេចំនួន០២កេសធំ ជូនដល់យោធិនកងពលតូចដឹកជញ្ជូនលេខ៩៩ ដើម្បីយកទៅចែកជូនបន្តដល់កងទ័ពជួរមុខ។

 ថ្លែងនៅក្នុងឱកាសទទួលនោះ ឧត្តមសេនីយ៍ទោ ហ៊ុល សំអុន មេបញ្ជការកងពលតូចដឹកជញ្ជូន លេខ៩៩ បានថ្លែងអំណរគុណដល់ទឹកចិត្តសប្បុរសជន និងក្រុមហ៊ុនអេរ៉ូទិចផ្តល់ជាភេសជ្ជៈ និងគ្រឿង បរិភោគដល់កងទ័ពជួរមុខតាមរយៈកងពលតូចដឹកជញ្ជូនលេខ៩៩។ លោកឧត្តមសេនីយ៍ទោ សូមជូនពរ ដល់លោកឧកញ៉ា ទៀង ថៃ និងលោកជំទាវ វ៉ាន់ លុយ ព្រមទាំងក្រុមគ្រួសារ ជួបប្រទះតែសេចក្តីសុខ សុភមង្គល ជ័យជំនះគ្រប់ភារកិច្ច រកស៊ីទទួលទានមានបាន និងសូមប្រកបដោយពុទ្ធពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

 សូមបញ្ជាក់ថា អំណោយរបស់សប្បុរសនានាដែលបានមកពីគ្រប់ទិសទីតាមរយៈកងពលតូចដឹក ជញ្ជូននេះ នឹងនាំយកទៅចែកជួនបងប្អូនវីរៈកងទ័ពជាមួយ និងគ្រឿងឧបភោគបរិភោគផ្សេងទៀតរបស់យោធិននារី នៃកងពលតូចដឹកជញ្ជូន ដែលដឹកនាំដោយ លោកជំទាវទាវ ចាយ ច័ន្ទរ៉ានី ភរិយារបស់ឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩នាពេលខាងមុខនេះ៕