ក្រុមផ្តាច់ខ្លួនភាគខាងត្បូងនៅប្រទេសយេម៉ែន បានអះអាងការគ្រប់គ្រងដ៏ទូលំទូលាយនៅទូទាំងភាគខាងត្បូងប្រទេស រួមទាំងនៅក្នុងទីក្រុងកំពង់ផែ Aden ដែលបានបម្រើជាមូលដ្ឋានរបស់រដ្ឋាភិបាលគាំទ្រដោយប្រទេសអារ៉ាប៊ីសាអ៊ូឌីត និងត្រូវបានទទួលស្គាល់ជាអន្តរជាតិរយៈពេលមួយទសវត្សរ៍មកហើយ។

ក្នុងការផ្លាស់ប្តូរច្រើននៅក្នុងអំណាច ក្រុមប្រឹក្សាអន្តរកាលភាគខាងត្បូង(STC) បាននិយាយថា មន្ត្រីជាន់ខ្ពស់មកពីក្រុមផ្សេងៗបានចាកចេញពីទីក្រុងAdenដោយរួមទាំងប្រធានក្រុមប្រឹក្សាមានសមាជិក៨រូប ដើរតួជំនួសប្រធានាធិបតី និងនាយករដ្ឋមន្ត្រី។

ក្រុមប្រឹក្សាអន្តរកាលភាគខាងត្បូង(STC) ដែលត្រូវបានគាំទ្រកាលពីពេលមុនដោយប្រទេសអារ៉ាប់រួមក្នុងអំឡុងសង្គ្រាមស៊ីវិលរយៈពេលមួយទសវត្សរ៍នៅប្រទេសយេម៉ែន បានប៉ះទង្គិចជាមួយក្រុមផ្សេងៗនៅក្នុងរដ្ឋាភិបាលគាំទ្រដោយប្រទេសអារ៉ាប៊ីសាអ៊ូឌីត ដែលបានផ្លាស់ទៅកាន់ទីក្រុង Aden បន្ទាប់ពីចលនារបស់ក្រុមហ៊ូទីមានសម្ព័ន្ធភាពជាមួយអ៊ីរ៉ង់ បានដណ្តើមយករដ្ឋធានីសាណា កាលពីក្នុងឆ្នាំ២០១៤។

ចាប់តាំងពីឆ្នាំ២០២២ ក្រុមប្រឹក្សាអន្តរកាលភាគខាងត្បូង(STC) បានបម្រើនៅក្នុងរដ្ឋបាលមួយដែលគ្រប់គ្រងតំបន់ភាគខាងត្បូងនៅក្រៅការគ្រប់គ្រងរបស់ក្រុមហ៊ូទី ក្រោមគំនិតផ្តួចផ្តើមបែងចែកអំណាចគាំទ្រដោយប្រទេសអារ៉ាប៊ីសាអ៊ូឌីត។