នៅម៉ោងប្រមាណម៉ោង១០និង០៦នាទីព្រឹកថ្ងៃទី១១ ខែធ្នូ ឆ្នាំ២០២៥នេះ យោធា​ថៃ​បាន​បើក​ការ​បាញ់​ប្រហារ​ក្នុងដែនអធិបតេយ្យស្របច្បាប់របស់កម្ពុជា នៅក្នុងភូមិសាស្រ្តយោធភូមិភាគទី៥ តំបន់​អូរភ្លុកដំរី ខេត្តពោធិ៍សាត់។ នេះបើតាមការបញ្ជាក់របស់​ក្រសួងការពារជាតិ។

ក្រសួងការពារជាតិបន្តថា កងកម្លាំងកម្ពុជាបាននឹងកំពុងប្រយុទ្ធតតាំង​ជាមួយ​សត្រូវ​ឈ្លាន​ពាន​យ៉ាង​ស្វិត​ស្វាញ់ និងយ៉ាងរឹងមាំ ក្នុងការបំពេញតួនាទីរបស់ខ្លួន ដើម្បីការពារ​បូរណ​ភាព​ទឹក​ដី​របស់​កម្ពុជា។