នាយករដ្ឋមន្ត្រីថៃ លោក អនុទីន ឆានវីរៈគុល បានប្រកាសកាលពីថ្ងៃព្រហស្បតិ៍ ទី១១ ខែធ្នូ ថា លោកកំពុង «ប្រគល់អំណាចទៅឱ្យប្រជាជនវិញ» ដោយចាត់វិធានការរំលាយសភា និងបើកផ្លូវសម្រាប់ការបោះឆ្នោត លឿនជាងការរំពឹងទុកពីមុន។

ក្រោយមក សារព័ត៌មានរាជវង្សថៃ បានរាយការណ៍នៅថ្ងៃសុក្រ ទី១២ ខែធ្នូ នេះថា ព្រះមហាក្សត្រថៃ មហា វិច្ចរ៉ាឡុងកន បានរាជានុម័តលើព្រះរាជក្រឹត្យរំលាយសភានេះ ដែលបើកផ្លូវឱ្យមានការបោះឆ្នោតមុនកាលកំណត់ ពោលគឺ បើតាមច្បាប់ ការបោះឆ្នោតត្រូវតែធ្វើឡើងក្នុងរយៈពេល ៤៥ ទៅ ៦០ ថ្ងៃ៕