​​វាយ​កូន​បាល់​៖ ​កីឡាករ​វាយ​កូន​បាល់​អាល្លឺម៉ង់ Alexander Zverev ត្រូវបាន​ពិន័យ​ជា​ទឹកប្រាក់ ៤ម៉ឺន​ដុល្លារ​អាមេរិក​បន្ទាប់ពី​មិនអាច​ទប់​កំហឹង​របស់ខ្លួន​បាន និង​វាយ​ទៅលើ​កៅអី​របស់​អាជ្ញាកណ្តាល​នៅ​កម្មវិធី​ប្រកួត Mexican Open​។ ​​កីឡាករ​លំដាប់​លេខ ៣ ពិភពលោក​រូបនេះ​បាន​យក​រ៉ាកែត​របស់ខ្លួន​ទៅ​វាយ​កៅអី​ របស់​អាជ្ញា​កណ្តាល​ជាច្រើនលើកមុននឹង​ឈានដល់​ការដាក់ពិន័យ​នេះ​។​

​ATP ឱ្យដឹងថា​ ទង្វើ​របស់ Zverev នេះ​រួមមាន​ការពិន័យ ២ម៉ឺន​ដុល្លារ​ចំពោះ​ការប្រើ​ពាក្យសំដី​មិន​សមរម្យ និង ២ម៉ឺន​ដុល្លារ​ទៀតពី​ការប្រើ​ហិ​ង្សា​កង្វះ​ភាព​អ្នកកីឡា ខណៈ​ចំនួន​ទឹកប្រាក់​ពិន័យ​នេះ​គឺ​ខ្ពស់បំផុត​របស់ ATP​។ ​Zverev នឹង​អាច​រង​ការពិន័យ​បន្ថែមទៀត ​ខណៈដែល ATP ត្រូវធ្វើ​ស៊ើប​អ​ង្កេ​ត​បន្តទៀត​។ ​កីឡាករ​អាល្លឺម៉ង់​រូបនេះ​ក្រោយមក​ក៏បាន​ធ្វើការ​សុំទោស​ផងដែរ​។ ​​សូមបញ្ជាក់ថា Alexander Zverev បានធ្វើ​ការប្រកួត​វិញ្ញាសារ​វាយ​គូ​ជាមួយ​ដៃគូ Marcelo Melo តែ​គេ​មិន​ពេញ​ចិត្តនឹង​ការសំរេចចិត្ត​របស់​អា​ជ្ញា​កណ្តាល​ជាច្រើនលើក​ច្រើន​សារ​។​ ​Alexander Zverev ក្រៅពី​ពិន័យ​ជា​ទឹកប្រាក់ ក៏ត្រូវ​បាន​ដក​ឈ្មោះ​ចេញពី​ការប្រកួត Mexican Open ផងដែរ​ដែលមាន​ន័យ​ថា​ គេ​បាត់បង់​ទឹកប្រាក់ ៣ម៉ឺន​ដុល្លារ​ថែមទៀត និង​មិន​ត្រូវបាន​បូក​បញ្ចូល​ពិន្ទុ​ទៅក្នុង​តារាង ATP Ranking ផងដែរ​៕

​អត្ថបទ​៖​នាង សុភា​វុ​ធ