ប្រធានាធិបតីអ៊ុយក្រែន លោក Volodymyr Zelenskyy បាននិយាយកាលពីថ្ងៃព្រហស្បតិ៍ ទី១១ ខែធ្នូ ថា ទីក្រុងគីវ បានពិភាក្សាជាមួយសហរដ្ឋអាមេរិក «អំពីការធានាសន្តិសុខដែលអាចធ្វើទៅបានសម្រាប់អ៊ុយក្រែន» ហើយភាគីទាំងពីរកំពុងធ្វើការលើក្របខ័ណ្ឌមួយដែល «ត្រូវតែរឹងមាំគ្រប់គ្រាន់ដើម្បីដំណើរការបានពិតប្រាកដ»។

លោក Zelenskyy ថ្លែងទៅកាន់កិច្ចប្រជុំ«ក្រុមចម្រុះនៃឆន្ទៈ»នៃបណ្តាប្រទេសជាច្រើន តាមរយៈតំណភ្ជាប់វីដេអូ ថា ការធានាសន្តិសុខនឹង «មិនអាចធ្វើទៅបានទេបើគ្មានអឺរ៉ុប និងសមាជិកទាំងអស់នៃក្រុមចម្រុះនៃឆន្ទៈរបស់យើង មានចាប់ពីប្រទេសកាណាដា រហូតដល់ប្រទេសជប៉ុន អូស្ត្រាលី និងនូវែលសេឡង់» ហើយត្រូវការការសម្របសម្រួល។

លោកបាននិយាយថា ទីក្រុងគីវក៏បានពិភាក្សាជាមួយមន្ត្រីសហរដ្ឋអាមេរិក អំពីអ្វីដែលការចូលរួមរបស់អាមេរិកអាចមើលទៅដូចនៅក្នុងកិច្ចព្រមព្រៀងសេដ្ឋកិច្ចដែលភ្ជាប់ទៅនឹងការស្តារឡើងវិញ និងការអភិវឌ្ឍក្រោយសង្គ្រាមនៅអ៊ុយក្រែន។ ឆ្លើយតបទៅនឹងសំណួរអំពីសម្ពាធដើម្បីធ្វើការបោះឆ្នោត លោក Zelenskyy បាននិយាយថា អ៊ុយក្រែនមិនបានគេចវេះដំណើរការលទ្ធិប្រជាធិបតេយ្យទេ ប៉ុន្តែការបោះឆ្នោតណាមួយក្នុងអំឡុងពេលសង្គ្រាម តម្រូវឱ្យមានលក្ខខណ្ឌសន្តិសុខដែលទីក្រុងវ៉ាស៊ីនតោន អាចជួយធានាបាន។