សហភាពអឺរ៉ុប បានបង្កកមូលនិធិរបស់រុស្ស៊ីរាប់ពាន់លានដុល្លារដែលមាននៅក្នុងទ្វីបអឺរ៉ុបដោយគ្មានពេលកំណត់ ដើម្បីជួយដល់អ៊ុយក្រែនការពារខ្លួនប្រឆាំងទីក្រុងមូស្គូ។

រដ្ឋាភិបាលរបស់ប្លុកនេះ បានព្រមព្រៀងកាលពីថ្ងៃសុក្រ ដើម្បីបង្កកទ្រព្យសកម្មរបស់រុស្ស៊ីមានតម្លៃ២១០ពាន់លានអឺរ៉ូ (២៤៦ ពាន់លានដុល្លារ) មិនអាចប្រើប្រាស់បានសម្រាប់រយៈពេលយូរដែលត្រូវការ ដូច្នេះ ត្រូវការការបោះឆ្នោតរៀងរាល់៦ខែម្តង លើការពង្រីកការបង្កកទ្រព្យសកម្ម។

ការបង្កកដោយគ្មានពេលកំណត់នេះ បំបាត់ហានិភ័យដែលប្រទេសហុងគ្រី និងប្រទេសស្លូវ៉ាគី មានទំនាក់ទំនងល្អជាមួយទីក្រុងមូស្គូជាងរដ្ឋសហភាពអឺរ៉ុបដទៃទៀត ដែលនាពេលអនាគតអាចនឹងបដិសេធមិនបន្តការបង្កកនេះ ដោយបង្ខំឲ្យសហភាពអឺរ៉ុបប្រគល់ប្រាក់ទៅឲ្យប្រទេសរុស្ស៊ីវិញ។

ប្រធានក្រុមប្រឹក្សាសហភាពអឺរ៉ុប លោក Antonio Costa បាននិយាយកាលពីថ្ងៃសុក្រថា មេដឹកនាំអឺរ៉ុបបានបំពេញតាម «ការប្តេជ្ញាចិត្ត» របស់ខ្លួនក្នុងការបង្កកទ្រព្យសកម្មរបស់រុស្ស៊ី «រហូតដល់ស្ស៊ីបញ្ចប់សង្គ្រាមឈ្លានពានរបស់ខ្លួនទៅលើអ៊ុយក្រែន និងទូទាត់សងសម្រាប់ការខូចខាតដែលបានបង្កឡើង»។

ការបង្កកទ្រព្យសកម្មគ្មានពេលកំណត់នេះ មានបំណងបញ្ចុះបញ្ចូលប្រទេសបែលហ្ស៊ិកដែលមានការសង្ស័យ ឱ្យគាំទ្រផែនការរបស់សហភាពអឺរ៉ុបក្នុងការប្រើប្រាស់សាច់ប្រាក់បង្ករបស់រុស្ស៊ី ដើម្បីពង្រីកប្រាក់កម្ចីរហូតដល់១៦៥ពាន់លានអឺរ៉ូដល់អ៊ុយក្រែន ក្នុងការបំពេញតម្រូវការថវិកាយោធា និងស៊ីវិលរបស់ខ្លួននៅឆ្នាំ២០២៦ និងឆ្នាំ២០២៧។