ណាតូ៖ អគ្គលេខាធិការអង្គការណាតូលោក Jens Stoltenberg បាននិយាយថា សម្ព័ន្ធមិត្តយោធាបានព្រមព្រៀងបញ្ជូនកងកម្លាំងឆ្លើយតបរបស់អង្គការណាតូ ដើម្បីជួយការពារសម្ព័ន្ធមិត្តនៅភាគខាងកើត ជុំវិញការឈ្លានពានរបស់រុស្ស៊ីលើអ៊ុយក្រែន។ ថ្លែងបន្ទាប់ពីកិច្ចប្រជុំរបស់មេដឹកនាំអង្គការណាតូនៅទីក្រុងប្រ៊ុចសែល លោក Stoltenberg និយាយថា ពួកគេបានសម្រេចបញ្ជូនកងកម្លាំងឆ្លើយតបរបស់អង្គការណាតូ ដែលនឹងត្រូវបានដាក់ពង្រាយយ៉ាងឆាប់រហ័ស។
ការចាប់ផ្តើមឆ្លើយតបនេះមិនមែនមានន័យថា កងទ័ពណាតូ ឬសហរដ្ឋអាមេរិកនឹងចូលទៅក្នុងប្រទេសអ៊ុយក្រែន ដែលមិនមែនជាប្រទេសសមាជិកនោះទេ។ កងទ័ពណាតូត្រូវដាក់ពង្រាយទៅអឺរ៉ុបខាងកើត ដើម្បីជួយដល់ការព្រួយបារម្ភរបស់ប្រទេសសមាជិកខ្លួន ក្នុងពេលវិបត្តិរវាងរុស្ស៊ី-អ៊ុយក្រែនកំពុងបន្ត។ ប្រធានអង្គការណាតូមិនបាននិយាយថា តើនឹងដាក់ពង្រាយកងទ័ពប៉ុន្មាននាក់នោះទេ ប៉ុន្តែបានបញ្ជាក់ថា សកម្មភាពនេះនឹងពាក់ព័ន្ធនឹងកម្លាំងដីគោក សមុទ្រ និងផ្លូវអាកាស។ ប៉ុន្តែនៅក្នុងការព្រមានដោយពាក្យសម្តីខ្លាំងៗ លោកបានប្រាប់រុស្ស៊ីថា ណាតូនឹងធ្វើអ្វីដែលខ្លួនត្រូវការដើម្បីការពារ និងការពារគ្រប់សម្ព័ន្ធមិត្ត និងគ្រប់អ៊ីញរបស់ទឹកដីណាតូ។ លោកបានព្រមានថា ពិភពលោកនឹងឲ្យទាំងប្រទេសរុស្ស៊ី និងបេឡារុសទទួលខុសត្រូវ ដោយពន្យល់ថា រុស្ស៊ីជាអ្នកឈ្លានពាន បេឡារុស្សជាអ្នកជួយឲ្យធ្វើទៅបាន៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
