ប្រធានាធិបតីទួរគី លោក រ៉េសិប តាយីប អឺដូហ្កាន់ ( Recep Tayyip Erdogan) បាននិយាយថា ជំហររបស់ប្រទេសលោកលើការដោះស្រាយវិបត្តិនៅតំបន់ហ្កាហ្សា នៅតែមិនផ្លាស់ប្តូរ។

លោក អឺដូហ្កាន់ បាននិយាយនៅក្នុងកិច្ចប្រជុំជាមួយនិស្សិតសាកលវិទ្យាល័យក្នុងស្រុក ដូចដែលបានចាក់ផ្សាយដោយទូរទស្សន៍ TRT Haberថា៖«យើងកំពុងចាត់វិធានការចាំបាច់ ហើយនឹងបន្តដើរតាមផ្លូវនេះយ៉ាងម៉ឺងម៉ាត់។ យើងនឹងមិនដកថយពីជំហររបស់យើងចំពោះដំណោះស្រាយនៅតំបន់ហ្កាហ្សាទេ។ ប្រសិនបើយើងធ្វើ យើងនឹងមិនអាចបង្ហាញអំពីភាពត្រឹមត្រូវរបស់យើងចំពោះព្រះអល់ឡោះ ឬចំពោះតំបន់ហ្កាហ្សាបានទេ»។

រដ្ឋាភិបាលទួរគីបានសង្កត់ធ្ងន់ម្តងហើយម្តងទៀតអំពីតម្រូវការក្នុងការដោះស្រាយវិបត្តិប៉ាឡេស្ទីន តាមរយៈដំណោះស្រាយរដ្ឋពីរ។ ថ្លែងនៅឯវេទិកាអន្តរជាតិសម្រាប់សន្តិភាព និងការជឿទុកចិត្ត នៅទីក្រុង Ashgabat ប្រទេសទតួកម៉េនីស្ថាន កាលពីថ្ងៃសុក្រសប្តាហ៍មុន លោក អឺដូហ្កាន់ បាននិយាយថា៖ការធានាឲ្យមានបទឈប់បាញ់នៅតំបន់ហ្កាហ្សា និងការផ្ដល់ជំនួយមនុស្សធម៌ គឺជាអាទិភាពចម្បងរបស់ប្រទេសទួរគី ដោយពណ៌នាអំពីបទឈប់បាញ់នៅក្នុងដែនដីប៉ាឡេស្ទីនថា ពិតជាមានភាពផុយស្រួយ   ណាស់៕