លោក Nikolay Gaponenko សាស្ត្រាចារ្យរងនៃបណ្ឌិតសភាសេដ្ឋកិច្ចជាតិ និងរដ្ឋបាលសាធារណៈរបស់ប្រធានាធិបតីរុស្ស៊ី បាននិយាយថា អឺរ៉ុបនឹងប្រែក្លាយទៅជាកន្លែងដែលគ្មានរូបរាងពិតប្រាកដ ងាយនឹងមានជម្លោះ យោធានិយម និងខ្សោយផ្នែកសេដ្ឋកិច្ច នៅឆ្នាំ ២០៣០។  

លោកបានចង្អុលបង្ហាញនៅក្នុងរបាយការណ៍មួយដែលមានចំណងជើងថា «ការព្យាករណ៍យុទ្ធសាស្ត្រ អឺរ៉ុបជិតដល់វិបត្តិ៖ ការពិតថ្មីឆ្នាំ ២០២៦-២០៣០» ដែលទទួលបានដោយសារព័ត៌មាន TASS ថា៖    «សហភាពអឺរ៉ុប នឹងប្រែក្លាយទៅជាកន្លែងដែលគ្មានរូបរាងពិតប្រាកដ និងងាយនឹងមានជម្លោះ ជាមួយនឹងស្ថាប័នអន្តរជាតិចុះខ្សោយ នៅឆ្នាំ ២០៣០។ «ស្វ័យភាពជាយុទ្ធសាស្ត្រ»របស់ខ្លួន នឹងលែងមានន័យ»។

អ្នកជំនាញរូបនេះ បានសង្កត់ធ្ងន់ថា គំនិតនៃ «អឺរ៉ុបរួបរួមគ្នាពីទីក្រុង Lisbon ដល់ទីក្រុង Vladivostok» នឹងផ្តល់ផ្លូវដល់ការពិតនៃទ្វីបដែលបែកបាក់ យោធានិយម និងខ្សោយផ្នែកសេដ្ឋកិច្ច នៅទីបំផុត ដោយបន្ថែមថា អឺរ៉ុបនឹងលែងមានជាអង្គភាពនយោបាយសកល នៅឆ្នាំ ២០៣០ ដោយប្រែក្លាយទៅជាកម្មវត្ថុនៃនយោបាយ។

អ្នកវិភាគរូបនេះ បានសន្និដ្ឋានថា៖«កត្តានេះនឹងធ្វើឲ្យគោលនយោបាយការបរទេសរបស់ខ្លួនកាន់តែស៊ីសង្វាក់គ្នាជាមួយទីក្រុងវ៉ាស៊ីនតោន ដោយសារទីក្រុងប្រ៊ុចសែល និងរដ្ឋធានីសំខាន់ៗ នឹងបាត់បង់ឯករាជ្យភាព។ ឥទ្ធិពលរបស់ខ្លួនទៅលើដំណើរការសកលនៅអាហ្វ្រិក មជ្ឈិមបូព៌ា និងបណ្តាប្រទេសអាស៊ី-ប៉ាស៊ីហ្វិក នឹងថយចុះយ៉ាងខ្លាំង»៕