នគរបាលនៅភាគឦសាននៃប្រទេសអេស្ប៉ាញបានចាប់ផ្តើមអនុវត្តបទបញ្ជាបណ្តេញចេញ នៅថ្ងៃពុធនេះ ដើម្បីសម្អាតអគារសាលារៀនដែលគេបោះបង់ចោលមួយ ជាកន្លែងដែលជនអន្តោប្រវេសន៍រាប់រយនាក់ភាគច្រើនគ្មានឯកសារ កំពុងរស់នៅក្នុងសង្កាត់មួយ ភាគខាងជើងនៃទីក្រុងបាសេឡូណា។

ដោយដឹងថាការបណ្តេញចេញនឹងមកដល់ អ្នកស្នាក់នៅភាគច្រើន បានចាកចេញ មុនពេលនគរបាល ក្នុងឈុតបង្ក្រាបកុបកម្មមកពីកងកម្លាំងនគរបាលតំបន់ Catalonia ចូលទៅក្នុងបរិវេណសាលា នៅព្រឹកព្រលឹម ក្រោមសេចក្តីសម្រេចរបស់តុលាការ។

សង្កាត់នេះ មានទីតាំងនៅក្នុងទីក្រុងបាសេឡូណា។ ជនអន្តោប្រវេសន៍ជាច្រើនមកពីអនុតំបន់សាហារ៉ា ភាគច្រើនមកពីប្រទេសសេណេហ្គាល់ និងហ្គាំប៊ី បានផ្លាស់ទៅរស់នៅក្នុងអគារសាលារៀនទទេ ចាប់តាំងពីវាត្រូវបានទុកចោលនៅឆ្នាំ ២០២៣។ 

អភិបាលក្រុងបាសេឡូណា លោក Xavier García Albiol បានប្រកាសពីការបណ្តេញចេញ នៅក្នុងសារមួយនៅលើបណ្តាញសង្គម X។ លោកបានសរសេរថា៖«ដូចដែលខ្ញុំបានសន្យា ការបណ្តេញចេញពីសង្កាត់នូវអ្នកមករស់នៅខុសច្បាប់ចំនួន ៤០០នាក់ នៅក្នុងសាលា B9 ក្នុងទីក្រុងបាសេឡូណា ចាប់ផ្តើម»៕