ការកាត់ផ្តាច់ជំនួយបរទេសដោយប្រធានាធិបតីសហរដ្ឋអាមេរិកលោក Donald Trump គួបផ្សំនឹងការកាត់បន្ថយជំនួយពីប្រទេសផ្សេងទៀត បង្ខំឲ្យមានការបិទសាលារៀន និងមជ្ឈមណ្ឌលអប់រំយុវជនរាប់ពាន់កន្លែង នៅតាមជំរំជនភៀសខ្លួនរ៉ូហ៊ីងយ៉ា ក្នុងប្រទេសបង់ក្លាដែស ធ្វើឲ្យប៉ះពាល់ធ្ងន់ធ្ងរដល់កម្មវិធីការពារកុមារ ។

ផលវិបាកធ្ងន់ធ្ងរ ក្មេងស្រីត្រូវបង្ខំឲ្យឆាប់រៀបការ ក្មេងៗមានអាយុត្រឹម ១០ឆ្នាំ ត្រូវធ្វើការងារធ្ងន់ ហើយក្មេងស្រីខ្លះដែលមានអាយុត្រឹម ១២ឆ្នាំប៉ុណ្ណោះ ត្រូវបង្ខំឲ្យធ្វើពេស្យាចារ ។

ស្របពេលដែលក្រសួងការបរទេសសហរដ្ឋអាមេរិករាយការណ៍ការផ្តល់ជំនួយជាង ១៦៨លានដុល្លារដល់ជនជាតិរ៉ូហ៊ីងយ៉ា ចាប់តាំងពីលោក Trump ឡើងកាន់តំណែង ដោយលើកឡើងពីប្រសិទ្ធភាពល្អប្រសើរឡើង និងការទទួលខុសត្រូវរួមគ្នារបស់ប្រទេសបរិច្ចាគ ការពិតជាក់ស្តែង គឺស្ថិតក្នុងគ្រោះថ្នាក់ ។

នៅក្នុងគ្រាក្រនៃភាពឯកោរវាងការវាយដំពីប្តីរបស់នាង ក្មេងស្រី Hasina បានរំឭកដល់សាលារៀនដែលធ្លាប់ផ្តល់កន្លែងស្នាក់នៅដល់រូបនាង នៅក្នុងពិភពលោកដ៏គ្មានមេត្តានេះ ។

ចាប់តាំងពីយោធាមីយ៉ាន់ម៉ា បានសម្លាប់ឪពុករបស់នាង កាលពីឆ្នាំ ២០១៧ បង្ខំឲ្យនាងរត់ភៀសខ្លួនទៅកាន់ប្រទេសបង់ក្លាដែសជាមួយម្តាយរបស់នាង និងបងប្អូនស្រីរបស់នាង សាលារៀន បានក្លាយជាជម្រកភៀសខ្លួនរបស់នាង និងការគំរាមឲ្យរៀបការទាំងបង្ខំ ។

នៅខែមិថុនា ពេលដែលនាងមានអាយុ ១៦ឆ្នាំ គ្រូរបស់នាងប្រកាសថា ការផ្តល់មូលនិធិដល់សាលារៀន ត្រូវបានកាត់ផ្តាច់ ។ សាលារៀន ត្រូវបិតទ្វារ ហើយការសិក្សា និងជីវិតកុមារភាពរបស់នាង ត្រូវបាត់បង់ ។

ដោយសារឱកាសអប់រំលែងមាន ហើយគ្រួសាររបស់នាង ព្រួយបារម្ភពីស្ថានភាពកាន់តែអាក្រក់ទៅដោយសារការកាត់បន្ថយជំនួយ ក្មេងស្រី Hasina ដូចគ្នានឹងក្មេងស្រីក្រោមអាយុផ្សេងទៀត ត្រូវបង្ខំចិត្តរៀបការឆាប់ ។ ក្មេងស្រីជាច្រើនរូប រួមទាំងនាង Hasina បច្ចុប្បន្នស៊ូទ្រាំនឹងការបំពានវាយដុំពីប្តីរបស់ពួកគេ ៕