ទីក្រុងវ៉ាស៊ីនតោនកាលពីថ្ងៃព្រហស្បតិ៍ បានចោទប្រកាន់អាហ្វ្រិកខាងត្បូងពីបទយាយីបុគ្គលិករដ្ឋាភិបាលអាមេរិក ដែលធ្វើការជាមួយជនជាតិអាហ្វ្រិក ដែលជាជនជាតិភាគតិចស្បែកស ដែលលោកប្រធានាធិបតី ដូណាល់ ត្រាំ កំពុងផ្តល់ឋានៈជាជនភៀសខ្លួន ដែលបានបង្កឲ្យមានការកើនឡើងភាពតានតឹងនាពេល  ថ្មីៗនេះ។

ក្រសួងការបរទេសបាននិយាយថា ព័ត៌មានលិខិតឆ្លងដែនរបស់មន្ត្រីអាមេរិក ត្រូវបានលេចធ្លាយ ហើយបានព្រមាននៅក្នុងសេចក្តីថ្លែងការណ៍មួយថា «ការបរាជ័យរបស់រដ្ឋាភិបាលអាហ្វ្រិកខាងត្បូង ក្នុងការចាប់ខ្លួនអ្នកទទួលខុសត្រូវ នឹងនាំឲ្យមានផលវិបាកធ្ងន់ធ្ងរ»។

អាហ្វ្រិកខាងត្បូងបានឆ្លើយតបថា ការចោទប្រកាន់នេះមិនមានភស្តុតាងគ្រប់គ្រាន់ និងបានបដិសេធ      «ការលើកឡើងណាមួយអំពីការចូលរួមរបស់រដ្ឋ ក្នុងសកម្មភាពបែបនេះ»។

ការចោទប្រកាន់នេះ បានកើតឡើង បន្ទាប់ពីអាហ្វ្រិកខាងត្បូងបានចាប់ខ្លួន និងបណ្តេញជនជាតិកេនយ៉ាចំនួន ៧នាក់ ដែលរដ្ឋាភិបាលអាមេរិកបាននាំមកដើម្បីជួយក្នុងការដោះស្រាយជនជាតិអាហ្វ្រិក ដែលកំពុងស្វែងរកផ្លាស់ទីទៅកាន់សហរដ្ឋអាមេរិក។

រដ្ឋបាលរបស់លោកប្រធានាធិបតី ដូណាល់ ត្រាំ បានអះអាងថា ជនជាតិអាហ្វ្រិក គឺជាជនរងគ្រោះនៃការរើសអើង និង«ការប្រល័យពូជសាសន៍» ដែលរដ្ឋាភិបាលនៃទីក្រុង Pretoria បានបដិសេធយ៉ាងដាច់  អហង្កការ៕