ដង្ហើមត្រីបាឡែនរកឃើញដោយយានដ្រូន នឹងផ្តល់ជាគន្លឹះមួយចំពោះសុខភាពរបស់ត្រីបាឡែនខ្នងកោង និងត្រីបាឡែនជាច្រើនប្រភេទទៀត ។ 

ក្រុមអ្នកវិទ្យាសាស្រ្ត បានបង្ហោះយានដ្រូនបំពាក់ដោយឧបករណ៍ពិសេស ហោះឆ្លងកាត់រន្ធដកដង្ហើមរបស់ត្រីបាឡែន ។

ពួកគេបានរកឃើញវីរុសឆ្លងធ្ងន់ធ្ងរជាប់ពាក់ព័ន្ធនឹងនឹងការជាប់កឿងទ្រង់ទ្រាយធំរបស់ត្រីបាឡែន និងសត្វដូហ្វាំងនៅទូទាំងពិភពលោក ។

លោកសាស្រ្តាចារ្យ Terry Dawson មកពីមហាវិទ្យាល័យ King's College London និយាយថា សំណាកនៃរន្ធផ្លុំដកដង្ហើមរបស់ត្រីបាឡែន គឺជាការផ្លាស់ប្តូរហ្គេមមួយសម្រាប់សុខភាព និងសុខុមាភាពរបស់ត្រីបាឡែន ។

លោកនិយាយថា វានឹងអនុញ្ញាតឲ្យពួកយើងតាមដានភ្នាកងារបង្កររោគដែសរស់នៅក្នុងត្រីបាឡែន ដោយពុំបង្កភាពតានតឹង ឬគ្រោះថ្នាក់ ផ្តល់ជាទស្សនាទានដ៏សំខាន់មួយចំពោះជំងឺនៅក្នុងប្រព័ន្ធអេកូឡូស៊ីអាក់ទិកដែលមានការផ្លាស់ប្តូរយ៉ាងឆាប់រហ័ស ។

ក្រុមអ្នកស្រាវជ្រាវ បានប្រើប្រាស់យានដ្រូនមានផ្ទុកចានប៉េទ្រីគ្មានមេរោគ ដើម្បីចាប់យកដំណក់ពីដង្ហើមចេញរបស់សត្វត្រីបាឡែន ។

ពួកគេបញ្ជាក់ជាលើកដំបូងថា វីរុសត្រីបាឡែនដែលអាចបណ្តាលឲ្យត្រីងាប់បានដែលគេស្គាល់ថាជាវីរុស Cetacean Morbillivirus កំពុងសាយភាយពីលើតំបន់អាក់ទិក ។ វីរុសនេះងាយឆ្លងខ្លាំង និងងាយរីករាលដាលយ៉ាងងាយស្រួលនៅក្នុងចំណោមត្រីដូហ្វាំង ត្រីបាឡែន និងអាចបណ្តាលពួកវាងាប់បាន ក្នុងទ្រង់ទ្រាយធំ ៕