រដ្ឋមន្ត្រីក្រសួងការពារជាតិ លោក Pedro Sanchez បាននិយាយកាលពីថ្ងៃអាទិត្យថា ទាហានកូឡុំប៊ីចំនួន ១៨ នាក់ ត្រូវបានចាប់ជំរិត ខណៈពេលកំពុងធ្វើប្រតិបត្តិការប្រឆាំងនឹងក្រុមទ័ពព្រៃ ELN។ 

លោក Sanchez បាននិយាយនៅក្នុងសារមួយនៅលើបណ្តាញសង្គម Xថា ទាហានទាំងនោះ ត្រូវបានឡោមព័ទ្ធដោយ «មនុស្សជិត ២០០ នាក់ ហើយត្រូវបានបញ្ជូនដោយបង្ខំ ទៅកាន់តំបន់អភិរក្សជនជាតិដើមភាគតិច» នៅក្នុងតំបន់ Choco នៅភាគពាយ័ព្យនៃប្រទេស ជិតព្រំដែនជាមួយប្រទេសប៉ាណាម៉ា។  

ដោយត្រូវបង្កើតឡើងក្នុងឆ្នាំ ១៩៦៤ និងបានបំផុសគំនិតដោយបដិវត្តន៍គុយបា ELN ឬកងទ័ពរំដោះជាតិ គឺជាក្រុមទ័ពព្រៃចំណាស់ជាងគេបំផុត ដែលនៅរស់រានមានជីវិតនៅអាមេរិក។

ក្រុមនេះគ្រប់គ្រងតំបន់ផលិតគ្រឿងញៀនសំខាន់ៗរបស់ប្រទេសកូឡុំប៊ី ដែលកំពុងតស៊ូជាមួយនឹងវិបត្តិសន្តិសុខដ៏អាក្រក់បំផុតរបស់ខ្លួន ក្នុងរយៈពេលមួយទសវត្សរ៍ ដែលជំរុញដោយក្រុមឧក្រិដ្ឋជនដែលទទួលបានផលចំណេញពីការជួញដូរ ការជំរិតទារប្រាក់ និងការជីកយករ៉ែខុសច្បាប់។

លោករដ្ឋមន្ត្រីក្រសួងការពារជាតិបានថ្កោលទោសការជំរិតកងទ័ពទាំងនេះ ដោយនិយាយថា ការរឹតបន្តឹងប្រតិបត្តិការយោធា ធ្វើឲ្យសហគមន៍ក្នុងតំបន់ស្ថិតក្នុង«ស្ថានភាពហានិភ័យយ៉ាងធ្ងន់ធ្ងរ»៕