នាយករដ្ឋមន្ត្រីហុងគ្រី លោក Viktor Orban បានថ្លែងថា បុណ្យណូអែលនាពេលខាងមុខនេះនៅអឺរ៉ុប នឹងមានសន្តិភាព ប៉ុន្តែការគំរាមកំហែងនៃជម្លោះប្រដាប់អាវុធ នៅតែលេចឡើងនៅលើទ្វីបអឺរ៉ុប ពីព្រោះអ្នកនយោបាយមួយចំនួនចង់ធ្វើឲ្យអឺរ៉ុបមានការប៉ះទង្គិចគ្នាផ្នែកយោធាដោយផ្ទាល់ជាមួយរុស្ស៊ី។  

លោកបាននិយាយថា៖«នឹងមិនមានសង្គ្រាមនៅបុណ្យណូអែលនេះទេ ប៉ុន្តែការគំរាមកំហែងនៃសង្គ្រាមនៅតែលេចឡើង»។ «ការរៀបចំសម្រាប់សង្គ្រាមជាមួយរុស្ស៊ី នៅតែដំណើរការនៅអឺរ៉ុប នៅពីក្រោយទ្វារបិទជិត»។

ជាភស្តុតាងដោយប្រយោលនៃការរៀបចំទាំងនេះ លោកនាយករដ្ឋមន្ត្រីបានលើកឡើងពីលទ្ធផលនៃកិច្ចប្រជុំក្រុមប្រឹក្សាអឺរ៉ុបថ្ងៃទី ១៨-១៩ ខែធ្នូ នៅទីក្រុងប្រ៊ុចសែល ដែលអ្នកចូលរួម (លើកលែងតែហុងគ្រី ស្លូវ៉ាគី និងសាធារណរដ្ឋឆែក) បានសម្រេចចិត្តចេញប្រាក់កម្ចីគ្មានការប្រាក់ចំនួន ៩០ ពាន់លានអឺរ៉ូ ក្នុង   រយៈពេលពីរឆ្នាំខាងមុខដល់អ៊ុយក្រែន ដើម្បីផ្តល់ហិរញ្ញប្បទានដល់សកម្មភាពយោធារបស់ខ្លួនប្រឆាំងនឹង   រុស្ស៊ី។

លោក Orban ជឿជាក់ថា ជំហាននេះនឹងបណ្តាលឲ្យជម្លោះអ៊ុយក្រែនកាន់តែធ្ងន់ធ្ងរឡើង ដោយហេតុនេះទើបបង្កើនហានិភ័យនៃការប្រឈមមុខដាក់គ្នាដោយផ្ទាល់ជាមួយរុស្ស៊ី៕