អាជ្ញាធរបាននិយាយថា នគរបាលទួរគីបានរឹបអូសគ្រឿងបន្លាស់អាវុធខុសច្បាប់ជាង ៤៦.០០០ បំណែក ដែលគ្រប់គ្រាន់សម្រាប់ផ្គុំកាំភ្លើងខ្លីជាង ២.១០០ ដើម និងឃាត់ខ្លួនជនសង្ស័យចំនួន ៦ នាក់ នៅខេត្ត Duzce ភាគពាយ័ព្យ កាលពីថ្ងៃពុធ។

ការិយាល័យរដ្ឋអាជ្ញាសាធារណៈនៅខេត្ត Duzce បាននិយាយថា ប្រតិបត្តិការនេះ បានធ្វើឡើង បន្ទាប់ពីមានការស៊ើបការណ៍សម្ងាត់ថា ជនសង្ស័យមានគម្រោងដឹកជញ្ជូនគ្រឿងបន្លាស់អាវុធយ៉ាងច្រើន ទៅកាន់ទីក្រុងអ៊ីស្តង់ប៊ុល។

រថយន្តក្រុងមួយគ្រឿង រថយន្តតូចមួយគ្រឿង និងកន្លែងធ្វើការដែលជាប់ទាក់ទងនឹងជនសង្ស័យ ត្រូវបានដាក់ឲ្យស្ថិតនៅក្រោមការឃ្លាំមើល។ ការឆែករថយន្តក្រុងនៅលើផ្លូវហាយវេ បានរកឃើញតួកាំភ្លើងខ្លី ឡតគ្រាប់កាំភ្លើង ម៉ាស៊ីនក្រឡឹងសម្រាប់ផលិតកាំភ្លើង កាំភ្លើងខ្លីគ្មានអាជ្ញាប័ណ្ណចំនួន បី ដើម និងគ្រាប់រំសេវ។

ការិយាល័យនេះ បាននិយាយថា ការស៊ើបអង្កេតដ៏ទូលំទូលាយលើករណីនេះ កំពុងដំណើរការ៕