អ្នកជំនាញអង្គការសហប្រជាជាតិចំនួន ៤ រូប រួមទាំងអ្នករាយការណ៍ពិសេសចំនួន ៣ រូប បានអំពាវនាវឲ្យ សភាសហរដ្ឋអាមេរិក ធ្វើអន្តរាគមន៍ដើម្បីបញ្ចប់ការបិទផ្លូវសមុទ្រដោយផ្នែករបស់ទីក្រុងវ៉ាស៊ីនតោនលើប្រទេសវ៉េណេស៊ុយអេឡា។ នេះបើយោងតាមសេចក្តីថ្លែងការណ៍របស់សេវាសារព័ត៌មាន UN។

ក្រុមអ្នកជំនាញបាននិយាយថា៖«សភាសហរដ្ឋអាមេរិកគួរតែធ្វើអន្តរាគមន៍ ដើម្បីទប់ស្កាត់ការវាយប្រហារបន្ថែមទៀត និងដកការបិទផ្លូវចេញ»។

តាមទស្សនៈរបស់ពួកគេ ការបិទផ្លូវនាវាដឹកប្រេងដែលចូល និងចេញពីប្រទេសវ៉េណេស៊ុយអេឡា រំលោភលើ «ច្បាប់ជាមូលដ្ឋាននៃច្បាប់អន្តរជាតិ។ អ្នកជំនាញបានសង្កត់ធ្ងន់ថា៖«គ្មានសិទ្ធិអនុវត្តទណ្ឌកម្មឯកតោភាគី តាមរយៈការបិទផ្លូវដោយប្រដាប់អាវុធទេ»។

ពួកគេក៏បានអំពាវនាវឲ្យមានការស៊ើបអង្កេតលើការសម្លាប់បុគ្គលយ៉ាងហោចណាស់ ១០៤ នាក់ ដែលត្រូវបានចោទប្រកាន់ថា ពាក់ព័ន្ធនឹងការជួញដូរគ្រឿងញៀនចូលទៅក្នុងសហរដ្ឋអាមេរិក ក្នុងការវាយប្រហារលើនាវាស៊ីវិលចាប់ តាំងពីដើមខែកញ្ញា ឆ្នាំ ២០២៥។ ក្រុមអ្នកជំនាញបានចង្អុលបង្ហាញថា៖«អ្នកដែលត្រូវបានសម្លាប់ទាំងអស់រហូតមកដល់ពេលនេះ ត្រូវបានគេរាយការណ៍ថា មិនបានបង្កការគំរាមកំហែងភ្លាមៗណាមួយដែលអាចបង្ហាញអំពីភាពត្រឹមត្រូវនៃការប្រើប្រាស់កម្លាំងដ៏សាហាវនោះទេ»៕