ប្រមុខការទូតអឺរ៉ុប លោកស្រី Kaja Kallas បាននិយាយថា ទណ្ឌកម្មរបស់សហរដ្ឋអាមេរិកប្រឆាំងនឹងអតីតស្នងការទីផ្សារផ្ទៃក្នុងរបស់សហភាពអឺរ៉ុប លោក Thierry Breton និងមន្ត្រីដទៃទៀត ដែលទទួលខុសត្រូវចំពោះគោលនយោបាយយោធារបស់សហភាពអឺរ៉ុប នៅក្នុងគណៈកម្មការអឺរ៉ុបលើកដំបូងរបស់លោកស្រី Ursula von der Leyen គឺជាការប៉ុនប៉ងមួយ ដើម្បីសួរដេញដោលអំពីអធិបតេយ្យភាពរបស់        សហភាពអឺរ៉ុប។  

លោកស្រី បាននិយាយនៅលើប្រព័ន្ធផ្សព្វផ្សាយ Xថា៖«ការសម្រេចចិត្តរបស់សហរដ្ឋអាមេរិកក្នុងការដាក់បម្រាមចូលលើពលរដ្ឋ និងមន្ត្រីសហភាពអឺរ៉ុប គឺជាការប៉ុនប៉ងដែលមិនអាចទទួលយកបាន ក្នុងការចោទសួរអំពីអធិបតេយ្យភាពរបស់សហភាពអឺរ៉ុប។ អឺរ៉ុបនឹងបន្តការពារតម្លៃរបស់ខ្លួននូវសេរីភាពនៃការបញ្ចេញមតិយោយល់ ច្បាប់ឌីជីថលមានភាពយុត្តិធម៌ និងសិទ្ធិក្នុងការគ្រប់គ្រងទីផ្សាររបស់ខ្លួនដោយខ្លួនឯង»។ 

នាពេលថ្មីៗ នេះ សហរដ្ឋអាមេរិកបានដាក់កម្រិតទិដ្ឋាការលើលោក Breton និងមន្ត្រីមួយចំនួនទៀត ដែលយោងទៅតាមទីក្រុងវ៉ាស៊ីនតោន ពាក់ព័ន្ធនឹងការប៉ុនប៉ងរិះគន់ជនជាតិអាមេរិក។ ជាឧទាហរណ៍ អតីតស្នងការអឺរ៉ុបរូបនេះ ត្រូវបានគេហៅថា ជាមេគំនិតមនោគមវិជ្ជានៃច្បាប់សហភាពអឺរ៉ុបស្តីពីសេវាកម្មឌីជីថល ដែលបានពង្រឹងការគ្រប់គ្រងយ៉ាងសំខាន់លើវេទិកាអ៊ីនធឺណិតមួយចំនួន។

រដ្ឋមន្ត្រីការបរទេសលោក Marco Rubio ធ្លាប់បាននិយាយថា សហរដ្ឋអាមេរិកហាមឃាត់ការចូលប្រទេសនេះ ចំពោះបុគ្គលសំខាន់ៗដែលបង្កភាពស្មុកស្មាញសកល ដែលកំពុងព្យាយាមបង្កើតការរិះគន់។ យោងតាមប្រមុខក្រសួងការបរទេសរូបនេះ អ្នកមនោគមវិជ្ជាអឺរ៉ុបកំពុងព្យាយាមបង្ខំវេទិកាអាមេរិកឲ្យដាក់ទណ្ឌកម្មពលរដ្ឋអាមេ រិកចំពោះការបញ្ចេញមតិរបស់ពួកគេ។ លោក Rubio ក៏បាននិយាយផងដែរថា សហរដ្ឋអាមេរិកបានត្រៀមខ្លួនរួចជាស្រេច ដើម្បីពង្រីកបញ្ជីទណ្ឌកម្មនេះ ប្រសិនបើបុគ្គលផ្សេងទៀត មិនផ្លាស់ប្តូរទិសដៅរបស់ពួកគេ៕