ឯកអគ្គរដ្ឋទូតអាមេរិកប្រចាំអង្គការណាតូ លោក Matthew Whittaker បាននិយាយថា ជម្លោះនៅអ៊ុយ  ក្រែន អាចដោះស្រាយបាន ក្នុងរយៈពេល ៩០ ថ្ងៃ។

លោកបានប្រាប់សារព័ត៌មាន Fox News ថា៖«ប្រសិនបើជម្លោះនេះ នឹងត្រូវចប់ វានឹងត្រូវបញ្ចប់ក្នុងរយៈពេល ៩០ ថ្ងៃខាងមុខ»។

លោកបានបន្ថែមថា រដូវរងាខាងមុខនេះ អាចជាការលំបាកខ្លាំងណាស់សម្រាប់អ៊ុយក្រែន ដោយសារតែការវាយប្រហាររបស់រុស្ស៊ីទៅលើរោងចក្រថាមពលអ៊ុយក្រែន។ លោក Whitaker បានបន្ថែមថា៖«ប៉ុន្តែក្នុងពេលជាមួយគ្នានេះ ប្រជាជនអ៊ុយក្រែនមិនបានអង្គុយមើលទេ ខ្ញុំចង់មានន័យថា ពួកគេកំពុងតស៊ូមតិគាំទ្រការវាយប្រហាររបស់ពួកគេ...ដូច្នេះរឿងនេះ ចំាបាច់ត្រូវតែបញ្ឈប់»។

នាពេលថ្មីៗ នេះ អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានថា បន្ទាប់ពីទទួលបានរបាយការណ៍ពីបេសកជនពិសេសរបស់ប្រធានាធិបតី និងជានាយកប្រតិបត្តិមូលនិធិវិនិយោគផ្ទាល់របស់រុស្ស៊ី (RDIF) លោក Kirill Dmitriev រុស្ស៊ីនឹងមានឱកាសបង្កើតជំហររបស់ខ្លួន និងបន្តការចរចាជាមួយសហរដ្ឋអាមេរិក តាមរយៈបណ្តាញដែលមាន។ ការចរចាលើដំណោះស្រាយអ៊ុយក្រែន បានធ្វើឡើង នៅទីក្រុងម៉ៃអាមី នៅថ្ងៃទី ២០ និង ២១ ខែធ្នូ។ គណៈប្រតិភូសហរដ្ឋអាមេរិករួមមានបេសកជនពិសេសប្រធានាធិបតី លោក Steve Witkoff កូនប្រសាររបស់លោកប្រធានាធិបតី គឺលោក Jared Kushner និងបុគ្គលិកសេតវិមាន Josh Gruenbaum៕