ប្រជាជនជប៉ុនមួយក្រុម បានមកប្រមូលផ្តុំគ្នានៅទីក្រុងតូក្យូកាលពីថ្ងៃអាទិត្យ ដើម្បីតវ៉ាប្រឆាំងនឹងផែនការថវិកាការពារជាតិក្នុងកំណត់ត្រាខ្ពស់របស់ប្រទេស និងទាមទារឱ្យរដ្ឋាភិបាលដែលដឹកនាំដោយនាយករដ្ឋមន្ត្រី លោកស្រី Sanae Takaichi ទប់ស្កាត់ការពង្រីកយោធា។

សេចក្តីព្រាងថវិកាការពារជាតិរបស់ប្រទេសជប៉ុនត្រូវបានកំណត់ក្នុងកំណត់ត្រា៩,០៤សែនកោដ៍យ៉េន (ប្រហែល៥៨ពាន់លានដុល្លារអាមេរិក) សម្រាប់ឆ្នាំសារពើពន្ធ២០២៦ នេះបើយោងតាមប្រព័ន្ធផ្សព្វផ្សាយក្នុងស្រុក។

ក្រុមអ្នកតវ៉ា កាលពីថ្ងៃអាទិត្យបានកាន់បដា និងស្រែកពាក្យស្លោកនៅទីប្រជុំជនទីក្រុងតូក្យូ ដោយជំរុញឱ្យរដ្ឋាភិបាលជប៉ុនប្រកាន់ខ្ជាប់នូវការប្តេជ្ញាចិត្តរបស់ខ្លួនចំពោះរដ្ឋធម្មនុញ្ញសន្តិភាពនិយម ដែលបោះបង់សិទ្ធិរបស់ប្រទេសក្នុងការចូលរួមក្នុងសង្គ្រាម ឬងាកទៅរកកម្លាំងយោធាដើម្បីដោះស្រាយជម្លោះអន្តរជាតិ។

«យើងប្រឆាំងនឹងការបង្កើនយោធាដ៏ច្រើនសម្បើមរបស់រដ្ឋបាល លោកស្រី Takaichi និងវោហាសាស្ត្រដ៏រឹងមាំ របស់លោកស្រី។ គណបក្សប្រជាធិបតេយ្យសេរី និងដៃគូចម្រុះបច្ចុប្បន្នរបស់ខ្លួន គឺគណបក្សនវានុវត្តន៍ជប៉ុន អះអាងថា ការពង្រីកការកសាងយោធានឹងនាំមកនូវសន្តិភាព។