របាយការណ៍មួយដែលចេញផ្សាយដោយក្រុមសិទ្ធិជនអន្តោប្រវេសន៍អេស្ប៉ាញ បាននិយាយកាលពីថ្ងៃចន្ទថា ជនអន្តោប្រវេសន៍ជាង ៣.០០០ នាក់ បានស្លាប់ ក្នុងពេលព្យាយាមទៅដល់ប្រទេសអេស្ប៉ាញ នៅឆ្នាំនេះ ដែលជាការធ្លាក់ចុះយ៉ាងខ្លាំងពីឆ្នាំ ២០២៤ ដោយសារចំនួននៃអ្នកប៉ុនប៉ងធ្វើទេសន្តរប្រវេសន៍ បានថយចុះ។

អង្គការ Caminando Fronteras បាននិយាយថា ភាគច្រើននៃអ្នកចំនួន ៣.០៩០នាក់ ដែលបានកត់ត្រារហូតដល់ថ្ងៃទី ១៥ ខែធ្នូ បានកើតឡើង នៅលើផ្លូវធ្វើដំណើរអាត្លង់ទិកពីទ្វីបអាហ្វ្រិក ទៅកាន់កោះ Canary របស់ប្រទេសអេស្ប៉ាញ ដែលត្រូវបានចាត់ទុកថា ជាកោះមួយក្នុងចំណោមកោះដ៏គ្រោះថ្នាក់បំផុតរបស់ពិភពលោក។

ខណៈពេលដែលមានការថយចុះ «គួរឲ្យកត់សម្គាល់»នូវការមកដល់របស់ជនអន្តោប្រវេសន៍នៅកោះ Canaries ផ្លូវ «ថ្មី មានចម្ងាយឆ្ងាយ និងគ្រោះថ្នាក់» ទៅកាន់ប្រជុំកោះនេះ បានលេចចេញឡើងជាមួយនឹងការចាកចេញពីប្រទេសហ្គីណេ។ នេះបើយោងតាមការចេញផ្សាយអង្គការ Caminando Fronteras។

អង្គការនេះ បានចងក្រងតួលេខរបស់ខ្លួនពីក្រុមគ្រួសាររបស់ជនអន្តោប្រវេសន៍ និងស្ថិតិផ្លូវការរបស់អ្នកដែលត្រូវបានជួយសង្គ្រោះ។ តួលេខនេះ រួមបញ្ចូលទាំងកុមារចំនួន ៤៣៧ នាក់ និងស្ត្រី ១៩២ នាក់ ក្នុងចំណោមអ្នកស្លាប់៕