សេតវិមានបានបញ្ជាក់ឲ្យដឹងថា ប្រធានាធិបតីអាមេរិក លោក Donald Trump បានចេញសេចក្តីប្រកាសមួយ ដែលពង្រីកបន្ថែមនូវសិទ្ធិនាំចូលដោយមិនចាំបាច់បង់ពន្ធ សម្រាប់ផលិតផលកសិកម្មជាក់លាក់មួយចំនួនរបស់អ៊ីស្រាអែល រហូតដល់ចំណាច់ឆ្នាំ២០២៦។

កាលពីថ្ងៃចន្ទ (ទី២៩ ខែធ្នូ) លោក Trump ក៏បានអនុម័តផងដែរនូវការកែតម្រូវបច្ចេកទេសជាបន្តបន្ទាប់ចំពោះកាលវិភាគពន្ធរបស់សហរដ្ឋអាមេរិកដែលប៉ះពាល់ដល់កិច្ចព្រមព្រៀងពាណិជ្ជកម្មជាច្រើន។

ការបន្លាយសិទ្ធិនេះ បន្តនូវការផ្តល់ជូនដែលមានស្រាប់ជាយូរមកហើយ ក្រោមកិច្ចព្រមព្រៀងពាណិជ្ជកម្មសេរី រវាងសហរដ្ឋអាមេរិក និងអ៊ីស្រាអែល (USIFTA) ដែលត្រូវបានចុះហត្ថលេខាជាលើកដំបូងក្នុងឆ្នាំ១៩៨៥ និងត្រូវបានអនុវត្តដោយសភា នាពេលក្រោយ នៅឆ្នាំនោះ។ បើយោងតាមសេចក្តីប្រកាសនេះ បានឲ្យដឹងថា ចំណាត់ការនេះរក្សានូវសម្បទានពាណិជ្ជកម្មបដិការ រវាងប្រទេសទាំង២ ខណៈដែលការកែប្រែអចិន្ត្រៃយ៍ ចំពោះកិច្ចព្រមព្រៀងពាណិជ្ជកម្មកសិកម្មឆ្នាំ២០០៤ ត្រូវបានបញ្ចប់សព្វគ្រប់។

រដ្ឋបាលនេះបានឲ្យដឹងថា សហរដ្ឋអាមេរិក និងអ៊ីស្រាអែល បានឈានដល់កិច្ចព្រមព្រៀងក្នុងខែធ្នូ ឆ្នាំ២០២៥ ដើម្បីធ្វើការផ្លាស់ប្តូរជាអចិន្ត្រៃយ៍ ចំពោះក្របខ័ណ្ឌពាណិជ្ជកម្មកសិកម្ម ឆ្នាំ២០០៤ និងដើម្បីបន្តលក្ខខណ្ឌរបស់វាជាបណ្តោះអាសន្ន ខណៈពេលដែលការផ្លាស់ប្តូរទាំងនោះ ចូលជាធរមាន។ ជាលទ្ធផល បរិមាណជាក់លាក់នៃផលិតផលកសិកម្មរបស់អ៊ីស្រាអែល នឹងបន្តចូលទៅក្នុងទីផ្សារសហរដ្ឋអាមេរិកដោយមិនចាំបាច់បង់ពន្ធ រហូតដល់ថ្ងៃទី៣១ ខែធ្នូ ឆ្នាំ២០២៦៕