កងកម្លាំងអ៊ីស្រាអែល បានបើកការវាយប្រហារឥតឈប់ឈរនៅទូទាំងតំបន់ហ្កាហ្សាស្រ្ទីប ពេលដែលពួកគេបន្តការបំពានស្ទើតែរាល់ថ្ងៃរបស់ពួកគេលើកិច្ចព្រមព្រៀងបទឈប់បាញ់ ក្នុងនោះសង្រ្គាមប្រល័យពូជសាសន៍របស់ពួកកេលើដែនដីឡោមព័ទ្ធមួយនេះ នៅតែបន្ត ហើយជនប៉ាឡេស្ទីនជម្លៀសខ្លួន បានស៊ូទ្រាំរស់នៅក្នុងសំពត់តង់លិចទឹករបស់ពួកគេ ។

អ្នកស្រី Hind Khoudary គឺជាអ្នកធ្វើសេចក្តីរាយការណ៍របស់កាសែត Al Jazeera និយាយថា ការវាយប្រហាររបស់អ៊ីស្រាអែលនៅថ្ងៃអង្គារនេះ មានគោលដៅលើទីតាំងភាគខាងជើងទីក្រុង Rafah និងភាគខាងកើតទីក្រុង Khan Younis ជំរំ Maghazi ស្ថិតនៅភាគកណ្តាលតំបន់ហ្កាហ្សា និងជំរំ Beit Lahiya ស្ថិតនៅភាគខាងជើងតំបន់ហ្កាហ្សា ។

រាយការណ៍ចេញពីទីក្រុងហ្កាហ្សា អ្នកស្រី Khoudary និយាយថា ការផ្លោងគ្រាប់កាំភ្លើងធំ ត្រូវបានរាយការណ៍ថា កើតមាននៅតំបន់ភាគខាងត្បូង និងភាគកណ្តាលហ្កាហ្សា ខណៈមានការវាយប្រហារផងដែរនៅសង្កាត់ Shujayea ជិតជំរំសំពត់តង់របស់គ្រួសារជម្លៀសខ្លួន ។

ការិយាល័យព័ត៌មានហ្កាហ្សា និយាយកាលពីថ្ងៃអាទិត្យថា អ៊ីស្រាអែល បានបំពានបទឈប់បាញ់ ៩៦៩លើក ចាប់តាំងពីវាចូលជាធរមានកាលពីថ្ងៃទី ១០ ខែតុលា បណ្តាលឲ្យជនស៊ីវិល ៤១៨នាក់ស្លាប់ និងមនុស្សជាង ១.១០០នាក់ផ្សេងទៀត រងរបួស ៕