កាំជ្រួចផ្កាភ្ញី ត្រូវបានរៀបចំ សម្រាប់អុជឆ្លងឆ្នាំសកលនៅទីក្រុងឡុងដ្រ៍ ចក្រភពអង់គ្លេស

កាំជ្រួចផ្កាភ្ញី ត្រូវបានរៀបចំឡើង សម្រាប់អុជថ្ងៃឆ្លងឆ្នាំសកលនេះ ដែលជាការអុជទ្រង់ទ្រាយធំបំផុតរបស់ចក្រភពអង់គ្លេសនៅទីក្រុងឡុងដ្រ៍ ។

កាំជ្រួចផ្កាភ្ញីឆ្នាំថ្មី នឹងអុជនៅពាក់កណ្តាលយប់អាធ្រាត្រាឈានចូលព្រឹកថ្ងៃព្រហស្បតិ៍ ទី ១ ខែមករា ឆ្នាំ ២០២៦ ចេញពីនាវា ៣គ្រឿង ដែលអណ្តែតនៅលើទន្លេ Thames និងកង់កន្រ្តក London Eye ។

ក្រុមហ៊ុន Titanium Fireworks ជាអ្នកចាត់ចែងកម្មវិធីអុជកាំជ្រួចផ្កាភ្ញីនេះ សម្រាប់ឆ្នាំទី ១៦ជាប់ៗគ្នា ហើយរំពឹងថា នឹងមានកាំជ្រួចប្រហែល ១២.០០០ដើម អំឡុងពិធីអុជរយៈពេល ១២នាទី ។

កាំជ្រួចផ្កាភ្ញី ១ម៉ឺនដើម នឹងអុជចេញពីលើលើនាវា ខណៈកាំជ្រួចផ្កាភ្ញី ២ពាន់ដើមទៀត នឹងអុជចេញពីកង់កន្រ្តក London Eye ដែលជាកង់កន្រ្តកធំជាងគេបំផុតរបស់ពិភពលោកមានកម្ពស់ ១៣៥ម៉ែត្រ ៕