ជំរំភៀសខ្លួនកាន់តែរីកធំ ហើយនិងពេញដោយមនុស្សរត់ភៀសគេចចេញពីទីក្រុង el-Fasher របស់ប្រទេសស៊ូដង់ ដែលកងកម្លាំងគាំទ្ររហ័ស(RSF)ដណ្តើមគ្រប់គ្រងបានកាលពីខែតុលា ។

យោងតាមរូបភាពផ្កាយរណបពិនិត្យដោយទីភ្នាក់ងារ Sanad របស់កាសែត Al Jazeera បានឲ្យដឹងថា ជំរំមួយត្រូវបានបង្កើតឡើងនៅក្នុងទីក្រុងតូច Qarni ស្ថិតនៅភាគពាយ័ព្យទីក្រុង el-Fasher ។

ទិន្នន័យផ្កាយរណបបង្ហាញថា ចន្លោះថ្ងៃទី ១៤ និងថ្ងៃទី ២៩ ខែធ្នូ ជំរំនេះ បានពង្រីកខ្លួន ១៣.០០០ម៉ែត្រក្រឡា ធ្វើឲ្យផ្ទៃក្រឡាសរុបកើនឡើងប្រហែល ១៩៩.០០០ម៉ែត្រក្រឡា ។

ជំរំសម្រាប់អ្នកជម្លៀសខ្លួនចេញពីទីក្រុង el-Fasher បានពង្រីកខ្លួនកាន់តែធំ នៅរដ្ឋភាគខាងជើងរបស់ប្រទេសស៊ូដង់ ស្ថិតនៅចម្ងាយពីគ្នាប្រហែល ៧០០គ.ម ។

ជំរំ El-Afadh ស្ថិតនៅជិតទីក្រុង al-Dabba បច្ចុប្បន្នគ្របដណ្តប់លើផ្ទៃដីយ៉ាងហោច ៥០ម៉ឺនម៉ែត្រក្រឡា ក្រោយពង្រីកខ្លួន ៣៧០.០០០ម៉ែត្រក្រឡា ចាប់តាំងពីថ្ងៃទី ១៩ ខែវិច្ឆិការហូតមក ។

យោងតាមការអះអាងរបស់អង្គការសហប្រជាជាតិ បានឲ្យដឹងថា មនុស្ស ១០៧.០០០នាក់ បានជម្លៀសខ្លួនចេញពីទីក្រុង el-Fasher និងតំបន់ជុំវិញ ចាប់តាំងពីចុងខែតុលារហូតមក ពេលដែលកងកម្លាំង RSF រឹបអូសបានទីក្រុងមួយនេះ ៕