មន្ទីរបញ្ចកោណ បាននិយាយកាលពីថ្ងៃពុធ (៣១ ធ្នូ) ថា ក្រុមហ៊ុន Lockheed Martin ទើបតែទទួលបានកិច្ចសន្យាមួយ ដែលពាក់ព័ន្ធនឹងការលក់គ្រឿងយុទ្ធោបករណ៍បរទេសទៅឱ្យកោះតៃវ៉ាន់ ដើម្បីបំពេញតាមអ្វីដែលទីក្រុងវ៉ាស៊ីនតោន ហៅថាជា «តម្រូវការប្រតិបត្តិការបន្ទាន់» របស់កងទ័ពអាកាសកោះតៃវ៉ាន់។

ក្រសួងការពារជាតិអាមេរិក បាននិយាយនៅក្នុងសេចក្តីថ្លែងការណ៍មួយថា កិច្ចសន្យានេះមានតម្លៃអតិបរមាយ៉ាងលើសលប់ចំនួន ៣២៨,៥ លានដុល្លារ ដោយក្នុងនោះមានកញ្ចប់ថវិកាលក់យុទ្ធោបករណ៍បរទេសចំនួន ១៥៧,៣ លានដុល្លារ ជាកាតព្វកិច្ចស្របពេលមានភាពតានតឹង។

ទីក្រុងវ៉ាស៊ីនតោន មានចំណងការទូតផ្លូវការជាមួយប្រទេសចិន ប៉ុន្តែក៏បានរក្សាចំណងក្រៅផ្លូវការជាមួយតំបន់តៃវ៉ាន់ ហើយទីក្រុងវ៉ាស៊ីនតោន ជាអ្នកផ្គត់ផ្គង់អាវុធសំខាន់បំផុតរបស់កោះនេះ។ សហរដ្ឋអាមេរិក មានចំណងផ្លូវច្បាប់ក្នុងការផ្តល់ឱ្យកោះតៃវ៉ាន់ នូវមធ្យោបាយការពារខ្លួន ទោះបីជាការលក់អាវុធបែបនេះគឺជាប្រភពនៃការប៉ះទង្គិចគ្នាយ៉ាងជាប់លាប់ជាមួយប្រទេសចិនក៏ដោយ។

នៅពាក់កណ្តាលខែធ្នូកន្លងទៅ រដ្ឋបាលរបស់លោកប្រធានាធិបតី Donald Trump បានប្រកាសលក់អាវុធតម្លៃ ១១,១ ពាន់លានដុល្លារ ទៅឱ្យកោះតៃវ៉ាន់ ដែលជាកញ្ចប់អាវុធដ៏ធំបំផុតមិនធ្លាប់មានរបស់សហរដ្ឋអាមេរិក សម្រាប់កោះនេះ ខណៈខ្លួនកំពុងស្ថិតនៅក្រោមសម្ពាធយោធាកាន់តែខ្លាំងឡើងពីប្រទេសចិន។ កញ្ចប់អាវុធនោះ ទទួលបានការឆ្លើយតបយ៉ាងខឹងសម្បារពីទីក្រុងប៉េកាំង៕