មេដឹកនាំកោះតៃវ៉ាន់ លោក ឡៃ ឈីងតឺ(Lai Ching-te) បាននិយាយនៅថ្ងៃព្រហស្បតិ៍ ទី១ ខែមករានេះ ថា កោះនេះប្តេជ្ញាការពារដែនអធិបតេយ្យភាពរបស់ខ្លួន និងជំរុញការការពារនៅចំពោះមុខការពង្រីកខ្លួនកាន់តែខ្លាំងឡើងរបស់ប្រទេសចិន បន្ទាប់ពីទីក្រុងប៉េកាំងបានបាញ់រ៉ុក្កែតទៅកាន់កោះនេះ ជាផ្នែកមួយនៃសមយុទ្ធយោធា។

លោក ឡៃ បាននិយាយនៅក្នុងសុន្ទរកថាឆ្នាំថ្មីដែលផ្សាយផ្ទាល់ពីការិយាល័យមេដឹកនាំនៅទីក្រុងតៃប៉ិ ថា សហគមន៍អន្តរជាតិកំពុងតាមដានមើលថាតើប្រជាជនកោះតៃវ៉ាន់ មានការតាំងចិត្តការពារខ្លួនឯងឬយ៉ាងណា។

លោក ឡៃ បាននិយាយនៅពេលត្រូវបានសួរអំពីរបាយការណ៍របស់សហរដ្ឋអាមេរិកដែលនិយាយថា ចិនកំពុងត្រៀមខ្លួនបង្កើនសមត្ថភាពយកឈ្នះការប្រយុទ្ធសម្រាប់កោះតៃវ៉ាន់នៅត្រឹមឆ្នាំ២០២៧។ លោកបាននិយាយថា ឆ្នាំ២០២៦នេះ នឹងក្លាយជាឆ្នាំដ៏សំខាន់សម្រាប់កោះតៃវ៉ាន់ ហើយតៃវ៉ាន់ត្រូវតែ «ត្រៀមផែនការសម្រាប់អ្វីដែលអាក្រក់បំផុត ប៉ុន្តែសង្ឃឹមសម្រាប់អ្វីៗដែលល្អបំផុត»។

ប្រទេសចិនអះអាងសិទ្ធថា កោះតៃវ៉ាន់ដែលគ្រប់គ្រងតាមបែបប្រជាធិបតេយ្យជាដែនដីរបស់ខ្លួន ហើយមិនបានច្រានចោលការប្រើប្រាស់កម្លាំងដើម្បីក្រសោបយកកោះនេះឲ្យស្ថិតនៅក្រោមការគ្រប់គ្រងរបស់ចិននោះទេ។