ទីភ្នាក់ងារមនុស្សធម៌របស់អង្គការសហប្រជាជាតិ(UN) និងអង្គការអន្តរជាតិជាច្រើន បានចេញសេចក្តីថ្លែងការណ៍រួមគ្នាកាលពីថ្ងៃពុធ ដោយអំពាវនាវឱ្យអ៊ីស្រាអែលលុបចោលបម្រាមរបស់ខ្លួនទៅលើប្រតិបត្តិការរបស់អង្គការជំនួយអន្តរជាតិនៅក្នុងតំបន់ហ្កាហ្សា និងតំបន់ West Bank ។

សេចក្តីថ្លែងការណ៍នេះបាននិយាយថា អង្គការជំនួយអន្តរជាតិ ដើរតួនាទីយ៉ាងសំខាន់ក្នុងប្រតិបត្តិការមនុស្សធម៌នៅក្នុងតំបន់ហ្កាហ្សា និងតំបន់ West Bank ដោយផ្តល់ជំនួយជិតមួយពាន់លានដុល្លារអាមេរិកជារៀងរាល់ឆ្នាំ។

សេចក្តីថ្លែងការណ៍បានកត់សម្គាល់ថា នៅក្នុងតំបន់ហ្កាហ្សាដោយទុក្ខលំបាករបស់គ្រួសារជាច្រើនកាន់តែអាក្រក់ទៅក្នុងរដូវរងា អសន្តិសុខស្បៀងដ៏ស្រួចស្រាវខ្ពស់នៅតែបន្ត និងតម្រូវការសម្រាប់ជំនួយសង្គ្រោះជីវិតនៅតែមានសារៈសំខាន់ ការហាមឃាត់ក្រុមជំនួយអាចធ្វើឱ្យអន្តរាយដល់វឌ្ឍនភាពដ៏ផុយស្រួយដែលទទួលបានក្នុងអំឡុងពេលបទឈប់បាញ់ និងមានផលវិបាកធ្ងន់ធ្ងរសម្រាប់កុមារ ស្ត្រី និងបុរសដែលងាយរងគ្រោះ។

សេចក្តីថ្លែងការណ៍បានសង្កត់ធ្ងន់ថា ដំណើរការមនុស្សធម៌ពុំមែនជាជម្រើសស្ថិតនៅក្រោមលក្ខខណ្ឌ ឬការពិចារណាខាងនយោបាយនោះទេ ហើយវាបង្កើតជាកាតព្វកិច្ចផ្លូវច្បាប់ក្រោមច្បាប់មនុស្សធម៌អន្តរជាតិ ព្រមទាំងតម្រូវការជាមូលដ្ឋានសម្រាប់ការការពារសិទ្ធិមនុស្ស។