រដ្ឋាភិបាលនឹងបញ្ជាក់នៅថ្ងៃព្រហស្បតិ៍នេះថា ចំនួនជនអន្តោប្រវេសន៍ប្រចាំឆ្នាំខ្ពស់បំផុតទី២ បានមកដល់ច្រាំងចក្រភពអង់គ្លេសតាមទូកតូចៗ ចាប់តាំងពីការកត់ត្រា បានចាប់ផ្តើមនៅឆ្នាំ ២០១៨។

ចំនួននេះ បានកើតឡើង នៅពេលដែលគណបក្សប្រឆាំងអន្តោប្រវេសន៍ Reform UK របស់លោក Nigel Farage ដែលប្រឆាំងនឹងការចាកចេញរបស់អង់គ្លេចពីសហភាពអឺរ៉ុប (Brexit) បានកើនឡើងប្រជាប្រិយភាព មុនការបោះឆ្នោតក្នុងស្រុក នៅខែឧសភា។

ដោយសារនាយករដ្ឋមន្ត្រីនៃគណបក្សការងារ លោក Keir Starmer ស្ថិតនៅក្រោមសម្ពាធកាន់តែខ្លាំងឡើងលើបញ្ហាដ៏ស្មុកស្មាញនេះ រដ្ឋមន្ត្រីក្រសួងមហាផ្ទៃរបស់លោក គឺ លោកស្រី Shabana Mahmood បានស្នើឲ្យមានការកាត់បន្ថយឲ្យបានច្រើននូវរការពារសម្រាប់ជនភៀសខ្លួន និងការបញ្ចប់អត្ថប្រយោជន៍ដោយស្វ័យប្រវត្តិសម្រាប់អ្នកស្វែងរកសិទ្ធិជ្រកកោន។

ទិន្នន័យរបស់ក្រសួងមហាផ្ទៃគិតត្រឹមថ្ងៃត្រង់ថ្ងៃពុធ បានបង្ហាញថា ជនអន្តោប្រវេសន៍សរុបចំនួន ៤១.៤៧២ នាក់ បានចុះចតនៅលើឆ្នេរសមុទ្រភាគខាងត្បូងរបស់ប្រទេសអង់គ្លេស ក្នុងឆ្នាំ ២០២៥ បន្ទាប់ពីបានឆ្លងកាត់ច្រកសមុទ្រដ៏គ្រោះថ្នាក់ពីភាគខាងជើងប្រទេសបារាំង។

ចំនួនអ្នកមកដល់ ៤៥.៧៧៤ នាក់ ត្រូវបានកត់ត្រានៅឆ្នាំ ២០២២ ក្រោមរដ្ឋាភិបាលអភិរក្សនិយមចុងក្រោយ៕