ប្រធានាធិបតីអាមេរិក លោក ដូណាល់ ត្រាំ ( Donald Trump) បានសន្យាថា នឹងខិតខំដើម្បីសន្តិភាព នៅលើផែនដី នៅឆ្នាំ ២០២៦នេះ។

នៅពេលសួរថាតើមានការសម្រេចចិត្តណាមួយដែលលោក បានធ្វើមុនឆ្នាំថ្មីដែរឬទេ ប្រមុខរដ្ឋបាលទីក្រុងវ៉ាស៊ីនតោន បានឆ្លើយថា៖«ខ្ញុំមាន គឺសន្តិភាពនៅលើផែនដី»។

លោកមិនបានឆ្លើយសំណួរអំពីតួនាទីរបស់ CIA ក្នុងការវាយប្រហារលើប្រទេសវ៉េណេស៊ុយអេឡា ឬថាតើលោកនឹងដាក់ពង្រាយកងទ័ពជើងគោកនៅអ៊ុយក្រែនឬអត់នោះទេ។ លោក ត្រាំ គ្រាន់តែញញឹម ហើយបានប្រាប់អ្នកយកព័ត៌មានថា «អរគុណ»។

នាពេលកន្លងទៅ លោក វ្ល៉ូឌីមី ហ្សេឡិនស្គី បាននិយាយថា ទីក្រុងគីវ កំពុងពិភាក្សាជាមួយលោក ត្រាំ អំពីការដាក់ពង្រាយកងទ័ពអាមេរិកនៅអ៊ុយក្រែន។ ទីក្រុងមូស្គូប្រឆាំងនឹងវត្តមានរបស់បុគ្គលិកយោធាណាតូនៅអ៊ុយក្រែន។ នៅថ្ងៃទី ២១ ខែសីហា រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយថា ការធានាសន្តិសុខរបស់អ៊ុយក្រែនតាមរយៈ «អន្តរាគមន៍យោធាបរទេសនៅក្នុងផ្នែកខ្លះនៃទឹកដីអ៊ុយក្រែន» នឹងមិនអាចទទួលយកបានសម្រាប់រុស្ស៊ីទេ៕