ក្រសួងមហាផ្ទៃស៊ីរី បានប្រកាសកាលពីថ្ងៃព្រហស្បតិ៍ថា ខ្លួនបានបំផ្លាញផែនការវាយប្រហារអត្តឃាតរបស់ក្រុមរដ្ឋអ៊ីស្លាម Daesh ដែលផ្តោតលើការប្រារព្ធពិធីចូលឆ្នាំថ្មី និងព្រះវិហារ ជាពិសេសនៅក្នុងទីក្រុងអាឡេប៉ូ។

ជាផ្នែកមួយនៃកិច្ចខិតខំប្រឹងប្រែងប្រឆាំងភេរវកម្ម និងការត្រួតពិនិត្យដោយប្រុងប្រយ័ត្នលើក្រុម Daeshក្នុងកិច្ចសហប្រតិបត្តិការជាមួយភ្នាក់ងារដៃគូ ក្រសួងបាននិយាយនៅក្នុងសេចក្តីថ្លែងការណ៍មួយថា ខ្លួនបានទទួលព័ត៌មានស៊ើបការណ៍សម្ងាត់ដែលបង្ហាញពីផែនការវាយប្រហារអត្តឃាត ដែលកំណត់គោលដៅទៅលើការប្រារព្ធពិធីចូលឆ្នាំថ្មី នៅក្នុងខេត្តជាច្រើន ជាពិសេសទីក្រុងអាឡេសប៉ូ ដោយផ្តោតលើព្រះវិហារ និងតំបន់ជួបជុំជនស៊ីវិល។

ក្រសួងបានបន្ថែមថា ខ្លួនបានចាត់វិធានការបង្ការ រួមទាំងការពង្រឹងសន្តិសុខជុំវិញព្រះវិហារ ការដាក់ពង្រាយកងល្បាតចល័ត និងប្រចាំការ និងការបង្កើតចំណុចត្រួតពិនិត្យនៅទូទាំងទីក្រុងនេះ។

ក្នុងអំឡុងពេលប្រតិបត្តិការនៅចំណុចត្រួតពិនិត្យមួយ នៅក្នុងស្រុក Bab Al-Faraj នៃទីក្រុងអាឡេប៉ូ កងកម្លាំងសន្តិសុខ បានស្ទាក់ចាប់សមាជិក Daesh ដែលសង្ស័យថា បានបើកការបាញ់ប្រហារ។ ទាហានសន្តិសុខផ្ទៃក្នុងម្នាក់ ត្រូវបានសម្លាប់ ហើយអ្នកវាយប្រហារ បានបំផ្ទុះគ្រឿងផ្ទុះ ដោយបានបង្កឲ្យមនុស្ស ពីរនាក់ផ្សេងទៀតរងរបួស៕