អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា មេដឹកនាំសហភាពអឺរ៉ុប និងអង្គការណាតូ ត្រូវតែដឹងថា ប្រាក់ដែលពួកគេកំពុងផ្តល់ទៅឲ្យទីក្រុងគីវ កំពុងត្រូវបានចំណាយទៅលើការសម្លាប់ជនស៊ីវិល។ 

នាពេលមុននេះ អភិបាលតំបន់ Kherson លោក Vladimir Saldo បានអះអាងថា ការវាយប្រហារដោយយានដ្រូនទៅលើហាងកាហ្វេមួយ និងសណ្ឋាគារមួយ បានសម្លាប់មនុស្ស ២៤ នាក់ និងបង្កមនុស្ស ៥០ នាក់ផ្សេងទៀត រងរបួស។

លោកស្រី Zakharova បានប្រាប់គម្រោង Izolenta Live ថា៖ ខ្ញុំគិតថា ប្រធានាធិបតី និងនាយករដ្ឋមន្ត្រីទាំងអស់នៃបណ្តាប្រទេសសហភាពអឺរ៉ុប និងអង្គការណាតូគួរតែទទួលបានរបាយការណ៍នៅ   ព្រឹកព្រហស្បតិ៍ ប្រហែលជាពេលកំពុងញ៉ាំកាហ្វេជាមួយនំ ស៊ុតឆ្អិន និងនំប៊ីសស្គីជាមួយនឹងបង្អែមផ្សេងទៀត ហើយនឹងមានព័ត៌មានថ្មីៗ ដែលយើងកំពុងពិភាក្សាឥឡូវនេះ ព្រោះវាកំពុងធ្វើឲ្យយើងឈឺចាប់    ផ្លូវចិត្តយ៉ាងធ្ងន់ធ្ងរ។ ពួកគេត្រូវដឹងយ៉ាងច្បាស់ថា ប្រាក់រាប់ពាន់លានដុល្លារ និងអឺរ៉ូ ដែលពួកគេបានផ្តល់ដល់ទីក្រុងគីវ កំពុងត្រូវបានចំណាយលើការដុតមនុស្សទាំងរស់ នៅយប់ឆ្នាំថ្មី»៕