នៅក្នុងបទសម្ភាសន៍ថ្មីជាមួយកាសែត Wall Street Journal ប្រធានាធិបតីសហរដ្ឋអាមេរិកលោក Donald Trump បានច្រានចោលក្តីកង្វល់ពីសុខភាពរបស់លោក បើទោះបីជាមានការយកចិត្តទុកដាក់ខ្លាំងលើសកម្មភាពដែលពេលខ្លះឃើញរូបលោកងងុយដេក និងមានបំណះនៅលើប្រអប់ដៃរបស់លោកក៏ដោយ ។

បទសម្ភាសន៍នេះ បានចុះផ្សាយនៅលើទំព័រកាសែតកាលពីថ្ងៃព្រហស្បតិ៍ ។ នៅលើទំព័រកាសែតមួយនេះ អ្នកសារព័ត៌មានរបស់កាសែត Wall Street Journal បានតតាំងជាមួយលោក Trump ដោយចោទសួរពីអាយុរបស់លោក សុខភាពរបស់លោក និងសេចក្តីថ្លែងការណ៍ពីការព្យាបាលសុខភាពកាលពីពេលថ្មីៗរបស់លោក ។

ប្រធានាធិបតីសហរដ្ឋអាមេរិករូបនេះ បានឆ្លើយតបទាំងឆេវឆាវតិចៗនៅត្រង់ចំណុចខ្លះផងដែរ ។ លោក Trumpនិយាយប្រាប់អ្នកធ្វើបទសម្ភាសន៍នៅពេលចាប់ផ្តើមការសន្ទនារបស់ពួកគេថា ចូរនិយាយពីសុខភាពម្តងទៀតជាលើកទី ២៥ ។

បច្ចុប្បន្នលោក Trump មានវ័យ ៧៩ឆ្នាំទៅហើយ ហើយបើសិនជាលោកបញ្ចប់អាណត្តិទី ២របស់លោក លោកនឹងមានអាយុ ៨២ឆ្នាំ ។ វានឹងធ្វើឲ្យរូបលោកក្លាយជាប្រធានាធិបតីនៅកាន់អំណាចអាយុច្រើនជាងគេបំផុត នៅក្នុងប្រវត្តិសាស្រ្តសហរដ្ឋអាមេរិក ពោលគឺបំណែកកំណត់ត្រាបង្កើតឡើងដោយអ្នកឡើងកាន់អំណាចមុនរបស់លោក គឺលោក Joe Biden ។

កាលពីថ្ងៃចន្ទដើមសប្តាហ៍នេះ ក្រុមគ្រូវេទមន្តកុលសម្ព័ន្ធប៉េរូ បានជួបជុំគ្នា នៅលើឆ្នេរសមុទ្រស្ថិតនៅភាគខាងត្បូងទីក្រុង Lima ដើម្បីធ្វើពិធីសាសនាឆ្នាំថ្មីប្រចាំឆ្នាំរបស់ពួកគេ ជាមួយនឹងការទស្សន៍ទាយសម្រាប់ឆ្នាំ ២០២៦ ថានឹងមានជំងឺធ្ងន់ធ្ងររបស់ប្រធានាធិបតី Trump ៕