អ៊ុយក្រែនកំពុងធ្វើជាម្ចាស់ផ្ទះទទួលទីប្រឹក្សាសន្តិសុខសម្រាប់កិច្ចពិភាក្សាដ៏សំខាន់ នៅថ្ងៃសៅរ៍នេះ ខណៈដែលទីក្រុងគីវទទូចថា ការចរចាកំពុងផ្តោតលើកិច្ចព្រមព្រៀងមួយ ខណៈដែលរុស្ស៊ីអះអាងថា ការវាយប្រហារឆ្នាំថ្មីដ៏សាហាវមួយ បានបំផ្លាញកិច្ចខិតខំប្រឹងប្រែងនេះ។

ប្រធានាធិបតីអ៊ុយក្រែន លោក វ្ល៉ូឌីមី ហ្សេលិនស្គី បាននិយាយថា ប្រទេសចំនួន ១៥ បានចូលរួមកិច្ចពិភាក្សា រួមជាមួយតំណាងមកពីសហភាពអឺរ៉ុប និងអង្គការណាតូ ដោយមានគណៈប្រតិភូអាមេរិកចូលរួមតាមរយៈតំណភ្ជាប់វីដេអូ។

មេដឹកនាំមកពីអ្វីដែលហៅថា សម្ព័ន្ធភាពនៃឆន្ទៈ ត្រូវបានគេរំពឹងថា នឹងកោះប្រជុំនៅប្រទេសបារាំង នៅសប្តាហ៍ក្រោយ បន្ទាប់ពីការចរចានៅថ្ងៃសៅរ៍នេះ។

ការជំរុញសន្តិភាពចុងក្រោយនេះ បានកើតឡើង បន្ទាប់ពីលោក ហ្សេឡិនស្គី បានប្រកាសនៅក្នុងសុន្ទរកថាថ្ងៃចូលឆ្នាំថ្មីរបស់លោកថា ផែនការសម្របសម្រួលដោយសហរដ្ឋអាមេរិកគឺ «៩០ ភាគរយ» រួចរាល់ហើយ ប៉ុន្តែបានព្រមានថា បញ្ហាទឹកដីសំខាន់ៗ នៅតែមាន។

រុស្ស៊ីកាន់កាប់ប្រហែលមួយភាគប្រាំនៃទឹកដីអ៊ុយក្រែន ហើយបានវាយប្រហារប្រទេសជិតខាងតូចជាងរបស់ខ្លួន ជាមួយនឹងការបាញ់មីស៊ីល និងយានដ្រូនស្ទើរតែរាល់ថ្ងៃ ដែលបានសម្លាប់ជនស៊ីវិលរាប់ពាន់នាក់ និងធ្វើឲ្យមនុស្សរាប់លាននាក់ផ្លាស់ទីលំនៅ៕