ឯកឧត្តម នេត្រ ភក្ត្រា៖ សារព័ត៌មាន​នានានៅ​លើ​ពិភព​លោក​បាន​ផ្សព្វ​ផ្សាយ​ព័ត៌មាន​អំពី​យោធា​ថៃ​បាន​រំលោភបំពាន​​លើទឹកដីកម្ពុជា ក្រោយបទឈប់បាញ់ចូលជាធរមាន

ឯកឧត្តម នេត្រ ភក្ត្រា៖ សារព័ត៌មាននានានៅលើពិភពលោកបានផ្សព្វផ្សាយព័ត៌មានអំពីយោធាថៃបានរំលោភបំពានលើទឹកដីកម្ពុជា ក្រោយបទឈប់បាញ់ចូលជាធរមាន

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានថ្លែងថា សារព័ត៌មាននានានៅលើពិភពលោកបានផ្សព្វផ្សាយព័ត៌មានអំពីយោធាថៃបានរំលោភបំពានមកលើទឹកដីកម្ពុជាក្រោយបទឈប់បាញ់ចូលជាធរមាន ដោយបានដាក់កុងតឺន័រ រាយបន្លាលួស និងដាក់ទងជាតិលើទឹកដីកម្ពុជា និងប្រកាសថាជាទឹកដីខ្លួនទៅវិញ។

តាមរយៈបណ្ដាញសង្គមហ្វេសប៊ុកថ្ងៃទី០៤ ខែមករា ឆ្នាំ២០២៦ ឯកឧត្ដមរដ្ឋមន្ត្រីក្រសួងព័ត៌មានបានថ្លែងថា នៅថ្ងៃទី២ និងទី៣ ខែមករា ឆ្នាំ២០២៦ សារព័ត៌មាននានានៅលើពិភពលោកបានផ្សព្វផ្សាយព័ត៌មានអំពីយោធាថៃបានរំលោភបំពានមកលើទឹកដីកម្ពុជាក្រោយបទឈប់បាញ់ចូលជាធរមាន ដោយបានដាក់កុងតឺន័រ រាយបន្លាលួស និងដាក់ទងជាតិលើទឹកដីកម្ពុជា និងប្រកាសថាជាទឹកដីខ្លួនទៅវិញ។ ឯកឧត្ដមបន្តថា សារព័ត៌មាននានាបានដកស្រង់ខ្លឹមសារនៃសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិកម្ពុជាដែលបញ្ជាក់ពីការឈ្លានពានរបស់យោធាថៃមកលើទឹកដីកម្ពុជា។ ការកាន់កាប់ទឹកដីកម្ពុជាដោយកងទ័ពថៃ ក្រោយបទឈប់បាញ់ និងវាយកម្ទេចផ្ទះសម្បែងប្រជាជន និងហេដ្ឋារចនាសម្ព័ន្ធ ជាការរំលោភយ៉ាងជាក់ច្បាស់ចំពោះគោលការណ៍ជាមូលដ្ឋាននៃច្បាប់អន្តរជាតិ ក៏ដូចជាច្បាប់មនុស្សធម៌ និងច្បាប់សិទ្ធិមនុស្សអន្តរជាតិ។ សារព័ត៌មានបានលើកឡើងពីផែនការថៃដែលភ្ជាប់តំបន់មួយចំនួនរបស់កម្ពុជាទៅនឹងទឹកដីរបស់ខ្លួនដោយខុសច្បាប់។

ឯកឧត្ដមបានបន្តទៀតថា តាមរយៈអត្ថបទដែលសរសេរដោយទីភ្នាក់ងារសារព័ត៌មានបារាំង AFP ត្រូវបានសារព័ត៌មាននានាយកទីផ្សព្វផ្សាយបន្តដូចជា South China Morning Post, CNA, The Strats Times, Barrons, Inquirer, UCA News, WION ជាដើម។ សារព័ត៌មានបែបប្រពៃនិងបែបថ្មីក្នុងស្រុកក៏មានការចុះព្រោងព្រាត់ដែរ។

ឯកឧត្ដម នេត្រ ភក្ត្រា បានរំលេចផងដែរថា ចំពោះមុខនេះ អ្នកសារព័ត៌មានជើងចាស់របស់ថៃម្នាក់បានព្រមានដល់ថៃថា «…. ប៉ុន្តែថៃអាចចាញ់សង្គ្រាមក្នុងក្រសែភ្នែកអន្តរជាតិ។ ថៃត្រូវបានមើលឃើញថាជាអ្នកឈ្លានពានគេ និងជាតួអាក្រក់។ កាសែត Aljazeera ជាសារព័ត៌មានធំៗ ៣ នៅលើពិភពលោក (CNN, BBC) ដែលមានអ្នកទស្សនាច្រើននៅលើពិភពលោក បានរាយការណ៍ថា ថៃបានប្រើប្រាស់កម្លាំងដើម្បីដណ្តើមយកដែនដីកម្ពុជា»។

រដ្ឋមន្ត្រីក្រសួងព័ត៌មាន «ពួកគេមិនអាចកុហកពិភពលោកបានទេ! ការពិតសម្លាប់ការមិនពិត!»

អត្ថបទដែលទាក់ទង

គណៈកម្មាធិការសិទ្ធិមនុស្សកម្ពុជា ជួបជាមួយអ្នករាយការណ៍ពិសេស អ.ស.ប បន្ទុកស្ថានភាពសិទ្ធិមនុស្សនៅកម្ពុជា

មន្ត្រីជំនាញចុះផ្សព្វផ្សាយពីសុវត្ថិភាពចរាចរណ៍ផ្លូវគោក ការពាក់មួកសុវត្ថិភាព និងការប្រើភ្លើងស្វ័យប្រវត្តិឲ្យបានត្រឹមត្រូវ

World Vision International ប្តេជ្ញាបន្តកិច្ចសហប្រតិបត្តិការជិតស្និទ្ធជាមួយក្រសួងសុខាភិបាលកម្ពុជា

បណ្ដាញសង្គម

ព័ត៌មានចុងក្រោយ

រុស្ស៊ី បញ្ជាក់ថា បានប្រាប់លោក Rubio កុំឱ្យដឹកជញ្ជូនអាវុធទៅអ៊ុយក្រែន

អ្នកជំនាញ៖ អាមេរិកអាចនឹងប្រើប្រាស់បទឈប់បាញ់ថ្មីជាមួយអ៊ីរ៉ង់ ដើម្បីរៀបចំផែនការប្រតិបត្តិការជើងគោក

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

ប្រធានសភា៖ គ្មានប្រទេសណាមួយក្នុងតំបន់នឹងត្រូវអនុញ្ញាតឲ្យលក់ប្រេងបានទេ ប្រសិនបើអ៊ីរ៉ង់ត្រូវបានបដិសេធឱកាសនេះ

មេដឹកនាំក្រុមហាម៉ាសបង្ហាញពីគោលដៅអាទិភាពរបស់ចលនានេះ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877