យោធាកូរ៉េខាងត្បូងនិយាយថា កូរ៉េខាងជើងបានបាញ់មីស៊ីលផ្លោងបាលីស្ទីកជាច្រើនគ្រាប់ពីរដ្ឋធានីព្យុងយ៉ាងរបស់ខ្លួនឆ្ពោះទៅសមុទ្រនៅឆ្នេរសមុទ្រភាគខាងកើតរបស់ខ្លួននៅម៉ោងប្រហែល ៧:៥០ ព្រឹកម៉ោងក្នុងស្រុកថ្ងៃអាទិត្យសប្ដាហ៍នេះ ។

ការបាញ់មីស៊ីលផ្លោងបាលីស្ទីកលើកដំបូងរបស់កូរ៉េខាងជើងក្នុងរយៈពេលពីរខែនេះ បានកើតឡើង ខណៈប្រធានាធិបតីកូរ៉េខាងត្បូង លោក លី ជេម្យុង (Lee Jae-Myung) នឹងធ្វើទស្សនកិច្ចផ្លូវរដ្ឋទៅកាន់ប្រទេសចិន ដោយចាប់ផ្តើមនៅថ្ងៃអាទិត្យនេះ ជាទីដែលទីក្រុងសេអ៊ូល បាននិយាយថា សន្តិភាពនៅលើឧបទ្វីបកូរ៉េនឹងត្រូវបានពិភាក្សា។

អគ្គសេនាធិការចម្រុះកូរ៉េខាងត្បូង បាននិយាយក្នុងសេចក្តីថ្លែងការណ៍មួយថា យោធារបស់ខ្លួនបានពង្រឹងការឃ្លាំមើល និងការប្រុងប្រយ័ត្នក្នុងការត្រៀម ករណីមានការបាញ់បន្ថែមទៀត ដោយនិយាយថាខ្លួនកំពុងចែករំលែកព័ត៌មានយ៉ាងជិតស្និទ្ធជាមួយសហរដ្ឋអាមេរិក និងជប៉ុន។

យោងតាមក្រសួងការពារជាតិជប៉ុន មីស៊ីលទាំងនោះត្រូវបានគេជឿថាបានធ្លាក់រួចហើយ។

លើកចុងក្រោយដែលទីក្រុងព្យុងយ៉ាងបានសាកល្បងមីស៊ីលផ្លោងបាលីស្ទីករបស់ខ្លួនគឺនៅក្នុងខែវិច្ឆិកា២០២៥។

ប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍ថា មេដឹកនាំកូរ៉េខាងជើង Kim Jong Un បានអំពាវនាវឱ្យបង្កើនសមត្ថភាពផលិតអាវុធនាំផ្លូវតាកទិកទ្វេដង ក្នុងដំណើរទស្សនកិច្ចចុងក្រោយរបស់លោកទៅកាន់រោងចក្រផលិតគ្រាប់រំសេវមួយកាលពីថ្ងៃសៅរ៍ ៕