ប្រធានាធិបតីសហរដ្ឋអាមេរិក លោក Donald Trump កាលពីថ្ងៃអាទិត្យ (៤ មករា) បានគំរាមកំហែងចាត់វិធានការយោធាប្រឆាំងនឹងរដ្ឋាភិបាលប្រទេសកូឡុំប៊ី ដោយប្រាប់អ្នកយកព័ត៌មានថា ប្រតិបត្តិការបែបនេះ «ស្តាប់ទៅល្អណាស់សម្រាប់លោក»។

ថ្លែងប្រាប់អ្នកសារព័ត៌មានលើយន្តហោះ Air Force One លោក Trump បានលើកឡើងថា៖ ប្រទេសកូឡុំប៊ីក៏កំពុងរួមរឹតដោយគ្រឿងញៀនដែរ ដែលគ្រប់គ្រងដោយបុរសញៀនថ្នាំម្នាក់ ដែលចូលចិត្តផលិតកូកាអ៊ីន និងលក់ទៅឱ្យសហរដ្ឋអាមេរិក ហើយលោកនឹងមិនធ្វើបែបនេះបានយូរទេ -- ដោយជាក់ស្ដែងសំដៅទៅលើប្រធានាធិបតីកូឡុំប៊ី លោក Gustavo Petro។

នៅពេលត្រូវអ្នកសារព័ត៌មានសាកសួរចំៗថា តើសហរដ្ឋអាមេរិកនឹងបន្តប្រតិបត្តិការយោធាប្រឆាំងនឹងប្រទេសនេះឬអត់ លោក Trump បានឆ្លើយថា «នេះស្តាប់ទៅល្អណាស់សម្រាប់ខ្ញុំ»។

ការអត្ថាធិប្បាយទាំងនេះបានកើតឡើងបន្ទាប់ពីសហរដ្ឋអាមេរិក បានចាប់ខ្លួនប្រធានាធិបតីវេណេស៊ុយអេឡា លោក Nicolas Maduro នៅក្នុងការវាយឆ្មក់ដ៏គួរឱ្យភ្ញាក់ផ្អើលមួយ ហើយបាននាំខ្លួនមេដឹកនាំវ៉េណេស៊ុយអេឡារូបនោះទៅកាន់ទីក្រុងញូវយ៉ក ដើម្បីប្រឈមនឹងការចោទប្រកាន់ផ្លូវច្បាប់ពីបទជួញដូរគ្រឿងញៀន៕