អ្នកជំនាញថាមពលអាមេរិក លោក Tom Kloza បានប្រាប់សារព័ត៌មាន TASSថា ការស្តារផលិតកម្មប្រេងនៅវ៉េណេស៊ុយអេឡាឡើងវិញដល់កម្រិតអតិបរមា ដែលបានឃើញនៅចុងសតវត្សរ៍ចុងក្រោយ និងដើមសតវត្សរ៍នេះ អាចចំណាយពេលរាប់ទសវត្សរ៍។

យោងតាមលោក Kloza បានឲ្យដឹងថា «កម្រិតខ្ពស់បំផុតសម្រាប់ការផលិតប្រេងរបស់វ៉េណេស៊ុយអេឡាគឺ ៣,៥លានបារ៉ែលក្នុងមួយថ្ងៃ ក្នុងឆ្នាំ ១៩៩៧» ខណៈពេលដែល «ការផលិតថ្មីៗនេះ ត្រូវបានវាយតម្លៃប្រហែល ៩០០.000 បារ៉ែល ក្នុងមួយថ្ងៃ ដោយប្រហែលជា ៥០០.000-៥៥០.000 បារ៉ែល ក្នុងមួយថ្ងៃ ត្រូវបានបម្រុងទុកសម្រាប់នាំចេញ~។

លោក Kloza ដែលបច្ចុប្បន្នជាអ្នកវិភាគទីផ្សារប្រេងសំខាន់ នៅក្រុមហ៊ុនប្រឹក្សាយោបល់អាមេរិក Turner Mason & Co. និងក៏គ្រប់គ្រងក្រុមហ៊ុនប្រឹក្សាយោបល់ផ្ទាល់ខ្លួនរបស់លោក គឺ Kloza Advisors LLC បាននិយាយថា៖«ត្រឡប់ទៅឆ្នាំ ១៩៩៧ ក្រុមហ៊ុនអាមេរិកម្តងម្កាលនាំចូលប្រេងវ៉េណេស៊ុយអេឡាប្រហែល ១,៤ លានបារ៉ែល ក្នុងមួយថ្ងៃ»។

អ្នកជំនាញរូបនេះ បានព្យាករថា៖«ការស្តារផលិតកម្មប្រេងរបស់វ៉េណេស៊ុយអេឡា គឺជាអ្វីមួយដែលនឹងចំណាយពេលរាប់ទសវត្សរ៍"។ លោក Kloza បានចង្អុលបង្ហាញថា៖«ក្រុមហ៊ុនប្រេងធំៗរបស់សហរដ្ឋអាមេរិក បានវិនិយោគប្រហែល ៥៥ ពាន់លានដុល្លារ ក្នុងការរុករក និងផលិតកម្មកាលពីឆ្នាំមុន។ ក្រុមហ៊ុន Rystad Energy ជឿជាក់ថា វាអាចត្រូវការច្រើនជាងពីរដង ដើម្បីនាំផលិតកម្មប្រេងរបស់វ៉េណេស៊ុយអេឡាត្រឡប់ទៅកម្រិតដែលបានឃើញនៅដើមសតវត្សរ៍ទី២១។ វាអាចងាយស្រួលណាស់ជាមួយនឹងរដ្ឋ    បាលដែលមានភាពរួសរាយរាក់ទាក់ ក្នុងការទទួលបានពីរលានបារ៉ែល ក្នុងមួយថ្ងៃ ប៉ុន្តែវានឹងកើតឡើង នៅពេលក្រោយនៃទសវត្សរ៍នេះ»៕