ប្រមុខការទូតរបស់ប្រទេសអាហ្វ្រិកខាងត្បូង លោក Phenyo Butale បានប្រាប់សារព័ត៌មាន TASSថា ប្រទេសបុតស្វាណាស្នើរុស្ស៊ី និងវិនិយោគិនរុស្ស៊ី ឲ្យសហការគ្នាក្នុងវិស័យរ៉ែដ៏កម្រ។  

លោក Butale បានបង្ហាញថា៖«ជាការពិត បុតស្វាណាត្រៀមខ្លួនរួចជាស្រេច ដើម្បីអញ្ជើញអ្នកជំនាញ វិនិយោគិន និងក្រុមហ៊ុនរុស្ស៊ី ដែលមានជំនាញខាងរ៉ែដ៏កម្រ ហើយនេះ គឺជាអ្វីដែលយើងបានពិភាក្សាជាមួយរដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ»។

យោងតាមលោកបានឲ្យដឹងថា គោលនយោបាយការបរទេសដែលកំពុងត្រូវបានអនុវត្តដោយប្រទេសបុតស្វាណា គឺថា ប្រទេសនេះបើកចំហចំពោះកិច្ចសហប្រតិបត្តិការជាមួយមនុស្សគ្រប់គ្នា នៅទូទាំងពិភពលោក ដែលកំពុងស្វែងរកកិច្ចសហប្រតិបត្តិការដែលផ្តល់ផលប្រយោជន៍ទៅវិញទៅមកជាមួយខ្លួន។ លោក Butale បានសន្និដ្ឋានថា៖«ក្រុមហ៊ុនដូចជា Nornikel ដែលដំណើរការអាជីវកម្មរ៉ែដ៏ជោគជ័យពីមុនធ្លាប់ធ្វើការនៅទីនេះ។ យើងជឿជាក់ថា ប្រទេសបុតស្វាណា គឺជាទីផ្សារដ៏ល្អបំផុតសម្រាប់ការវិនិយោគ ដោយសារស្ថិរភាពនយោបាយ និងសេដ្ឋកិច្ច។ នេះ គឺជាមូលហេតុដែលយើងលើកទឹកចិត្តវិនិយោគិនរុស្ស៊ីឲ្យមកប្រទេសបុតស្វាណា»៕